【更新了 PCCW 就免費電視牌照而出的聲明 + 有關香港電視娛樂消息!】
今次係第一次行政會議不再為亞視續期,面對行政會議決定不再續牌予亞視呢個情況,亞視執行董事係接受訪問時就話「感到震驚和意外」,仲唔排除採取法律行動咁話。不過,以亞視近排的財政狀況,究竟有無錢打官司都可能成為問題啦。
更新
PCCW 旗下香港電視娛樂得到 12 年免費電視牌照,透過固網提供服務
至於有關香港電視娛樂大家可能不是太熟悉,其實簡單來講佢地就係 NowTV (反正都係屬於小小超的)。香港電視娛樂(全稱香港電視娛樂有限公司;英語:Hong Kong Television Entertainment Company Limited)由香港電訊信䚽擁有。香港電視娛樂計劃在獲發牌後的 12 個月和 24 個月內,分別開設 24 小時的粵語頻道及 16 小時的英語頻道。
為何 PCCW 咁快有牌有線仲未得?從技術角度了解當中原因
另外,大家可能都好好奇點解今次政府咁快發牌比香港電視娛樂(HKTVE),如果從技術角度來講,目前 HKTVE 的母公司香港電訊信託旗下的 NowTV 而家已經透過 OTT 的方式提供緊三個免費頻道(如果不熟悉 OTT 的朋友可睇版主 Keith 解說),包括綜合台 Now100 ,新聞台以及一個免費體育頻道。所以某程道上可以話佢地已經為開台做好晒準備,呢個可能就係原因啦。因為亞視嘅牌照其實去到 2016 年四月,若果中間香港電視娛樂要開台,跟本唔夠大氣電波,事實上,香港電視娛樂會透過母公司嘅固網提供服務。PCCW 固網連村屋都入到屋,8MB 頻寬也提供到服務,版主相信多層大廈可透過公共天線直入,而獨立屋就要透過機頂盒收看。到時機頂盒應該唔駛收費吧。既然香港電視娛樂只能夠透過固網去提供服務,同時間亞視係下年就唔能夠再廣播,咁係模擬節目上的空缺又點算呢?係今次記者會上蘇錦樑就話會邀請香港電台 (RTHK)幫手,研究一下點樣提供模擬電視節目頻道比觀眾。
再更新
PCCW 剛剛就免費電視牌照發出左聲明,內容大致上提到除左歡迎政府發牌比 HKTVE 之外,亦希望政府為左公眾利益盡快提供廣播頻譜予 HKTVE 。大家又點睇呢,不妨留言講講睇法啦!
PCCW 就免費電視服務所發出的聲明全文
【香港.2015年4月1日】我們歡迎政府給予香港電視娛樂本地免費電視服務牌照。我們期望政府可加快處理頻譜分配的決定,讓香港電視娛樂能夠使用廣播頻譜。我們相
信政府開放頻譜,令我們的免費電視服務可更早接觸更多的觀眾,是符合公眾利益的。
圖片來源: SCMP