Amazon 美國大割價，送貨到香港
Moto 360 是 Google 發表 Android Wear 系統時首款產品之一，採用圓形錶身設計讓人印象深刻。雖然已經推出了一段時間，但其外形仍然討好，而且在升級 Android Wear 5.1.1 後，還支援 Wi-Fi 連線功能。原來早前美國多間零售商已經開始了 Moto 360 的減價，原來是散貨的先兆。昨日 Motorola 正式將 Moto 360 的價格調低至 149.99 美元（折合 HK$1,162），包括 Google Play 商店、Motorola 官網和 Amazon 美國等都列出了新價格。而版主立即問過香港代理，得知亞太區嘅 Moto 360 暫時未有䧏價嘅決定。不過，若果你等唔切，我請版主 Keith 試過，原來 Amazon 美國是可以直接運貨到香港，加上運輸費用，大約是 US$154.58。當計埋信用卡比較貴嘅匯率，應該唔駛千三蚊港幣入到手。Moto 360 係大型電器連鎖店賣緊 $2198，係格價網站見到最平賣千八。千三蚊入手，都仲有著數。不過，運輸要時間，大約要十四個工作天。半個月內，代理會否跟隨大隊減價，家陣都係未知之數。
▲ 全球化下，Amazon 都可以透過 AmazonGlobal 由美國送貨到香港，不過要嘅係時間，最平運貨選擇，要大約 12 個工作天。
想知 Moto 360 嘅評測及新聞，可以 Click 呢到。
資料來源：androidpolice