首先講下 Petcube 有咩特點先：內置 138 度廣角鏡頭，能夠拍攝 720p 影片。加密連接網絡後可以透過手機遙距觀察家中小動物。機身內置聲音對話系統，讓你可以透過手機與喵星人、汪星人對話。最吸引我既係，透過智能手機畫面，可以隨意控制 Petcube 發射出小紅光點，在地板上跟隨你的手指操作而移動，哪怕喵星人多聰明都要比呢個小紅點吸引住呀！ 但係汪星人玩唔玩我真係唔知。。。
▲ Petcube 顧名思義就係一個小方盒樣，當然上面隻喵星人並唔包埋送上門架啦～ 機身正面係小紅點發射器同一個監控鏡頭。
▲ Petcube 既背面有電源按鍵、揚聲器同埋一個 micro-usb 充電頭。
▲ 透過 Petcube App，你可以係不同既社交媒體上，立即分享貓狗最新既可愛樣比朋友知，得閒望下個鏡頭，可能佢地正係度偷食野而比你發現左！
▲ 可以用手機操控 Petcube 發射小紅光點，操控住呢個小紅光點，基本上你就操控緊喵星人既注意力啦，哈哈哈！
▲ 大件事！ 呢隻拆緊禮物既喵星人，竟然發現左我係鏡頭後方偷望佢！
呢個 Petcube 賣港幣 1788 元既定價同外國官網 199 美金唔差得太多，而且除了一貫既監控鏡頭功能外，仲有埋對話同遊戲功能，畢竟唔使返工時候一路心掛掛，又可以忙裡偷閒同喵喵玩遊戲，對我呢類喵星人之友黎講確實吸引！ 唔知其他網友又點睇呢？