網購更放心! PayPal 終推出退貨運費賠償服務!
|
科技新知
使用呢個服務嘅過程其實好簡單,你只需要喺你個 PayPal 帳號入面啟動服務就得,手續費全免。咁到底點樣先可以用到呢個服務呀? 例如當你買左件貨番黎,發覺件貨有問題或者對買番黎件產品唔滿意,你可以向賣家退貨,然後上網遞交索償申請,如果批核左嘅話,PayPal就會退番最多 US $20 嘅退貨運費俾你。有左呢個服務,咁樣以後網上購物就可以放心得多!
▲ 如果你想啟動海外退貨運費服務,請按此,然後再按免費啟用。
除左退貨運費賠償之外,PayPal 亦為你提供加強版嘅購物安全保障,除左可以保障你購買實體產品嘅風險之外,亦能夠保障埋你購買無形產品(例如電子書、電子機票、數碼音樂等)嘅風險。咁你以後網上買野就可以得到全面嘅保障!
▲ 購買安全保障的服務範疇。
大家對於 PayPal 呢個服務有啲咩野意見或者睇法呢? 你覺得呢個服務可唔可以真係解除消費者對於網上購物的擔憂呢? 你平時又會唔會用 PayPal 網上購物呢? 留言講下啦!