二千三任製 VR 內容! LucidCam 相機進行集資!
|
科技新知
LucidCam 相機嘅體積非常細小,你中意嘅可以放落口袋又得,利用胸帶戴喺身上都得。透過 LucidCam 相機,就算你唔識相關嘅技術,都可以成為一個 VR 的製片人! LucidCam 相機配備左一對廣角鏡頭,能夠為每隻眼睛拍攝視角達 180 度嘅 1080p 影片或者 2K 解像度的靜態照片,其操作同普通嘅相機差不多,非常簡單。拍完之後,你可以利用 Google Cardboard 或者其他 VR 頭戴式顯示器、甚至你的智能手機 (Android / iOS) 上觀看。
可能你會問:咁即係要另外再俾錢買一個顯示器? 其實又唔洗。為左方便用家睇番自己拍攝嘅內容,隨機仲會附上一個紙板 VR 頭戴式顯示器,咁你就可以慳番購買顯示器的費用啦! 咁價錢方面係點呢? LucidCam 相機目前在 Indiegogo 網站上進行集資,最平的售價為 299 美元,折合港幣約 HK $2317 (名額只有 325 個),預計將會在明年 7 月出貨。唔知大家對於呢款相機有無興趣呢? 留言講下你嘅意見啦!
以下為大家帶來 LucidCam 的宣傳片,讓大家能夠更深入了解這款產品:
來源:Indiegogo