主題:​MOTO 360 2nd GEN 二代最後割價 | 五舊水搶智能手錶

ePrice HK
  • 發表時間:2016-05-16 19:17 收錄檢舉
    智能手錶你有無用?版主 Keith 無,版主亞坤都無。用緊 iPhone 嘅朋友,你有無用 Apple Watch? 有定係無?無嘅原因,可能係價錢問題。老老實實,明明係手機嘅配件,賣到二千幾、三千蚊真係太過份。若果設計細緻,堅似真手錶,千幾蚊已係好盡。可能因為咁,智能手錶都大割價傾銷!其中,網上呢兩日傳有大店為 MOTO 360 作最後清倉!版主已為你問到最後入貨點!仲有其他選擇,會係點?

    ​MOTO 360 2nd GEN 二代最後割價 | 五舊水搶智能手錶
     

    代理最後半個月,行貨大清倉

    有留意之前版主 Lawrence 講過,Motorola 與 Lenovo 的香港代理 Brightstar 年初已宣佈放棄代理權,一系列 Lenovo 與 Motorola 產品都在清貨階段,當中以 MOTO 的產品為甚。Brightstar 今年六月正式結朿,當中 Moto 360 2nd Gen 智能手錶都清緊貨。MOTO 360 二代一直好受網友關注,因為它是少數採用圓形錶身,睇上來真係似隻腕錶,而二代無論係電量與速度上,都比一代有改善。可惜一直賣得勁貴,一月份行貨上市賣價 $2799!但呢兩日百老匯最後清貨,其中真皮錶帶版本為 $1299、而黑色鋼帶版本為 $1499。可惜,版主問過,百老匯得番元朗分店有貨,只有三隻,仲要係真皮錶帶版本,要買嘅要快手了。

    ​MOTO 360 2nd GEN 二代最後割價 | 五舊水搶智能手錶 ​MOTO 360 2nd GEN 二代最後割價 | 五舊水搶智能手錶
    ▲ MOTO 360 二代,特價 $1299,得番元朗嘅百老匯有貨,仲要三隻咁多,你係咪新界西人?會立即打的去搶嗎?
     

    $520 有更抵選擇

    三隻點搶?版主推介更加平嘅智能手錶:LG G Watch Urbane、Samsung Gear 2 又點睇?$520 蚊喎,仲要比 MOTO 360 二代平一半!LG G Watch Urbane 推出已有一年,功能與規格大約等於 MOTO 360 二代,一樣採用圓形錶面,推出時賣 $2999,今日大店約賣 $1398。而 Samsung GearS2 有兩款,Sports 及 Classic,大店今日賣 $2098 及$ 2309。Samsung GearS2 兩款唔係 Android Wear,採用 Tizen 系統,但也對應 Android 手機,當然,你用緊 Samsung 手機就有更加多功能啦! 講番先,LG G Watch Urbane、Samsung GearS2 Sports 與 Classic 三款智能手錶都會賣 $520,呢個價,點樣來,點樣入呢?

    是咁的,原來中國移動 CMHK 網店又係 5.20 開倉。今次無特價手機,但有特價智能手錶,係上述三隻。其中 LG G Watch 有 15 件貨、GearS2 Sports 有 25 件貨、GearS2 Classic 有 17 件貨。5 月 20 日凌晨零分,你要搶?(Click 呢度有 中國移動 CMHK 網店又係 5.20 網上特賣資料)


    ​MOTO 360 2nd GEN 二代最後割價 | 五舊水搶智能手錶
    ▲唔係 Android Wear,但獨立買都要二千幾蚊,果然係三星出品。不過,你肯搶 $520 就買到。

    ​MOTO 360 2nd GEN 二代最後割價 | 五舊水搶智能手錶
    ▲ LG G Urbane 係大店都只係賣 $1398,唔駛搶。但更抵嘅話,就要五月廿日,進入 CMHK 網店去搶了。

    按呢度有 MOTO 360 二代 ePrice.HK 評測
    按呢度有 LG Urbane ePrice.HK 評測
    按呢度有 Samsung Gear2 ePrice.HK 評測

    總括來說,平野永遠都要搶,呢四隻智能手錶,你又肯唔肯去搶?齊齊留言分享吧。
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2016-05-17 01:22 檢舉
    呢類產品好多都跌得好甘, 360 2ND個LOOK我覺得最耐看, 玩厭左當普通錶都冇咩問題
    02樓 ▲TOP 回列表頁