不單是家居助手!「人性化」機械人 ASUS Zenbo 五千有找!
|
科技新知
Zenbo 擁有潔白小巧而且又圓潤的外型,功能相當廣泛。借助機身底部的滾輪裝置,Zenbo 能夠依照指令,跟住用家一起移動。Zenbo 能夠了解用家發出的語音指令,透過一般的語音對話方式,可以同 Zenbo 即時回答、互動。另外,Zenbo 頭部前方的屏幕,除左可以顯示各種資訊之外,仲會依照對話內容而顯示唔同的表情,令 Zenbo 變得更加「人性化」。
▲ Zenbo 的造型相當圓潤討喜。
▲ 依照不同的對話內容,Zenbo 會有著不同的表情反應。
由於可以同 loT 物聯網產品相連,因此用家亦可以透過語音搵 Zenbo 幫忙開燈或者關電視,同時佢本身內置左相機以及音樂播放功能,能夠「命令」Zenbo 幫用家影相,或者播音樂以舒緩心情。另外,如果你家中有長者的話,Zenbo 仲有個緊急警示功能,如果有屋企人跌倒時,Zenbo 就會即刻將警示通知傳送至預設的家庭成員手機中,當收到緊急通知,就可以即時利用 Zenbo 的攝錄機查看家人狀況,提供協助。
若果平時出左街的話,用家亦都可以透過遠端監控功能,利用 Zenbo 查看家人或者屋內的安全狀況,同時 Zenbo 亦都可以成為小朋友的「好朋友」,能夠幫忙講故事俾小朋友聽。呢個功能咁廣泛的智能家居助手,雖然香港上市日期未定,不過目前知道,佢的售價將會係 US $599,折合港幣約 $4653,不知大家又對呢部 Zenbo 有無興趣呢?
▲ Zenbo 在 COMPUTEX 大展上發表的片段。
▲ ASUS 官方在 YouTube 上釋出的宣傳片。
事實上,Zenbo 的功能並不止於此,ASUS 希望藉着開放 Zenbo 的 SDK,讓更多開發者黎幫 Zenbo 加入更多、更豐富的內容。若果你都有興趣加入 Zenbo 嘅開發行列,就可以 click 入 Zenbo 的官網睇下啦!