主題:Check 睡眠質素、提你每日行多步,仲有。。。平價小米手環 2 五日實測

ePrice HK
  • 發表時間:2016-06-24 16:45 收錄檢舉
    智能手錶、智能手環、Apple Watch。。。推出很多代...老實一句,除了第一代 Pebble,其他嗰 D 我一隻都睇唔上眼。主要原因:電量。最近小米把小米手環 2 送測,本來版主對佢無乜期望,但用落覺得幾 OK,最重要二百蚊有找,做到我想要嘅功能。到底係乜呢?

    Check 睡眠質素、提你每日行多步!  平價小米手環 2 五日實測

    而小米手環 2,代表了最新一代 (YES 不是第二代,因為嚴格來說,中間還有一款光感版)。而手環亦代表佢唔會好似智能手錶咁,真係有大大隻錶面,仲可以顯示好多圖案及文字,手環代表一切功能都從揀。第二代小米環,相比第一代,就係多了  OLED 顯示屏幕,還有一個觸控按鈕,就係呢少少改變,令小米手環 2 可用性更加高。好啦,在分享之前,不如用下面個表,分享一下三代小米環係功能上不同之處,了解一下小米手環 2 多了什麼。
     
      小米手環 小米手環光感版 小米手環2
    續航力 30 天 10 天 20 天
    心律偵測 X O O
    顯示 燈號 燈號 0.42 吋 OLED 芒
    控制 敲擊 敲擊 觸控按鈕
    抬手顯示
    功能 運動偵測
    睡眠偵測
    來電震動
    手環鬧鐘
    手機解鎖
    運動偵測
    睡眠偵測
    來電震動
    手環鬧鐘
    手機解鎖
    心跳偵測
    運動偵測
    睡眠偵測
    來電震動
    手環鬧鐘
    手機解鎖
    心跳偵測
    久坐提醒
     

    先談佩戴感

    圖片已簡單說明,小米手環 2 有乜用。不如來個實錶寫真,之前講講手感。其實,用得小米手環,香港賣價二百蚊有找,都知道佢唔會俾到真正手錶嘅感覺。全隻錶都係膠就預咗。我記得用第一代 Sony 手環個陣,用左半日成隻跌係街,但小米手環 2 唔會發生,因為佢好似錶帶咁,用穿扣方式戴上手,我用了五日,未試過跌落地。而試用呢四天都係三十幾度高溫,但戴著部位都無出晒汗,配戴感十分唔錯。

    Check 睡眠質素、提你每日行多步!  平價小米手環 2 五日實測
    ▲ 小米借來的黑色手環,好合版主的低調性格。

    Check 睡眠質素、提你每日行多步!  平價小米手環 2 五日實測
    ▲ 若果沒有時間顯示,我係唔會用小米手環 2 的。但時間顯示,又不是 Always On,你要搖一部手機先會顯示時間,當然你還可以按掣。我覺得係最基本睇時間呢個部份,都算係方便嘅。

    Check 睡眠質素、提你每日行多步!  平價小米手環 2 五日實測 Check 睡眠質素、提你每日行多步!  平價小米手環 2 五日實測
    ▲ 採用穿扣方式。中間的小米手環部份,可以拆出來充電。


    Check 睡眠質素、提你每日行多步!  平價小米手環 2 五日實測
    ▲ 要使用專用充電線。

     
     
     Check 睡眠質素、提你每日行多步!  平價小米手環 2 五日實測
    ▲ 小米手環可 2 可以顯示什麼資料?包括時間、步行 Steps 次數,電量,心跳等。
     

    講功能

    小米手環 2 最好用嘅功能,都係同健康無關。首先,一定係時間。都帶得係手,時間顯示好重要。基本上,佢會跟番手機個鐘,睇時間無乜好講。另一個功能,就係做到手機嘅來電通知、SMS 及即時通知送上手環,基本上,所有 App 嘅 Alert,都可以透過揀選,推送到手環,再用震動提示。講到來電通知,原來佢可以做做到頭幾響聲不送到手環,有乜用?好似我用開「小熊來電」有時騷擾來電,點都要響一、兩下才被攔截,呢個  Delay 震動嘅功能,估唔到有佢特別用途。而其他 Apps 嘅通知,都有少少 Bugs,就係多 Add 了幾個 Apps 後,手環會出唔到 WhatsApp  個 Logo,全部 IM 都係一個信封。。。

    至於其他與健康有關嘅功能:步速偵測、心跳偵測,最好是可以 Set Goal 目標,睇下每日有無達得到,例如世衛建每日要行八千步,我就要努力達標了。係咁多健康功能上面,Sleep Tracker 同久坐提醒都係幾有趣。Sleep Tracker 好多智能手環都有,用來計算你睡眠質素,版主真係差到爆。而 久坐提醒,即係可以 Check 你係咪坐得耐過頭,叫你行番幾步呀。最後要講講電量,版主收到 Sample 有七十巴仙電量,用到第六日,才要叉電,還是 5% 才充。即係,用一星期才充電。這才是手環應有的電量呀。


    Check 睡眠質素、提你每日行多步!  平價小米手環 2 五日實測
    ▲ 係用之前,你先要登記做小米會員,同埋輸入你的個人資料,其實只係用來計算你的健康指標。若你只係想佢做 alert 功能,咪亂填一通囉。


    Check 睡眠質素、提你每日行多步!  平價小米手環 2 五日實測
    ▲ 可以設定來電、SMS 或不同 App 嘅 alert 震動提示。

    Check 睡眠質素、提你每日行多步!  平價小米手環 2 五日實測
    ▲ 你亦可設定手環顯示什麼資訊。

    Check 睡眠質素、提你每日行多步!  平價小米手環 2 五日實測
    ▲  你的健康資料,可以跟 Google Fit 同步,但你唔可以用 Google Fit 代替小米 Mi Fit 呢個 App,即係一定要用佢。

    小米手環  2 會由即日起,係小米官網發售:文章刊登時,賣價為 HK$199。 
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2016-06-27 12:06 檢舉
    用20日先叉一次算唔錯
    02樓 ▲TOP 回列表頁
  • 發表時間:2016-06-27 20:00 檢舉
    就係 Like 佢唔駛成日叉電。
    多謝支持 ePrice.HK
    03樓 ▲TOP 回列表頁