主題:新招免排長龍!教你用星巴克 Starbucks App 買咖啡

  • 發表時間:2017-03-09 16:51 收錄檢舉
    平時 Starbucks 係版主們工作嘅地方,搵位之前總要買杯咖啡嘅!發現收銀處大排長龍,好位都俾人坐晒啦!
    呢個情況睇黎可以有所改善,Starbucks 香港宣佈喺香港推出新嘅 Starbucks App,新嘅 App 加左個 -「Order&Pay」嘅功能,只要透過 App 就可以喺電話做到落 Order 同俾錢,甚至選擇個人化飲品設定(飲品Size、甜度份量、用咩奶等等),之後直接去選擇左嘅分店到拎野飲就可以,省卻排隊時間。

    新招免排長龍!教你用星巴克 Starbucks App 買咖啡

    只要從 3 月11日 (星期六) 開始,更新 Starbucks App 就可以使用呢個功能,但要注意嘅係你必須要申請做 Starbucks Rewards 會員及必須使用 Starbucks Card 俾錢。全新 Starbucks Apps 不接受八達通、現金同信用卡俾錢,一定要透過 Starucks Rewards 卡完成 Order,但你可以使用 Visa 或 Master 信用卡為 Starbucks Card 即時增值,然後就可以使用。此外如果你係 Starbucks Rewards 會員,用呢個 Apps 落 Order 都可以儲返 Rewards 星星,夠 25 粒星星就可以有杯免費野飲。

    新招免排長龍!教你用星巴克 Starbucks App 買咖啡
    ▲ 要用個 App 其實唔難,更加個 Apps 入去個 Order 開個 Order 

    新招免排長龍!教你用星巴克 Starbucks App 買咖啡
    ▲ 之後你就喺地圖上選擇返你要去嘅地方,而且會顯示左嗰間 Starbucks 處理你張 Order 要幾耐嘅時間。

    新招免排長龍!教你用星巴克 Starbucks App 買咖啡
    ▲之後就選擇返要飲嘅野

    新招免排長龍!教你用星巴克 Starbucks App 買咖啡
    ▲然後你就可能選擇你要飲嘅 size 等等個人設定

    新招免排長龍!教你用星巴克 Starbucks App 買咖啡
    ▲選擇返要用邊張卡俾錢,必須使用 Starbucks Card 俾錢,但你可以使用 Visa 或 Master 信用卡為 Starbucks Card 增值。

    新招免排長龍!教你用星巴克 Starbucks App 買咖啡
    ▲落左 Order 後就會顯示大約幾多分鐘就有 Order 同埋你行過去需要大約咩時間(GPS 未必準嘅,我家陣行過去都係5分鐘都唔洗嘅事黎)

    新招免排長龍!教你用星巴克 Starbucks App 買咖啡
    ▲行到去 Show 返張 Order 同埋 Show返張Starbucks Card number 就可以拎到杯野飲,真係好方便。

    雖然用呢個 Order 係好方便,但要記住落左 Order 基本上改唔到張 Order 嘅內容,所以落之前要諗清楚要飲咩,另外如果你去到發現杯野飲味道、溫度唔啱的話,可以要求佢地即時沖過杯野飲,但都希望使用者事前計好時間,唔好令杯野放得太耐而影響左個味道。此外,如果你嗰個分店到放左隻杯,但你唔可以喺手機Apps 上 order 到要求你個人嘅杯,只可以選擇佢地俾你嘅即棄杯,呢點大家要注意返。

    目前新 Starbucks App 落 Order 功能 喺 3 月 11 日可以全港使用,不過以下呢幾間分店唔可以用得,包括香港浸會大學、香港科技大學、香港大學學生會、香港大學圖書館、東區尤德醫院、聖德肋撒醫院、太古廣場106號、亞洲國際博覽館、澳門永利2及永利皇宮後舖。

    小結
    Starbucks 唔選擇學麥當勞放部機喺店舖入面而選擇放喺電話到係一個明智選擇,一黎唔洗排隊,二黎我可以預先 Order 定我要飲嘅野,省左好多排隊嘅時間。再者其實呢個功能可以值得各餐廳做外賣線都可以值得仿效,咁真係可以省左好多等候嘅時間,推動下香港嘅創科發展,生活上有好多野都可以半自助咁做到,唔洗一定要人手收銀,如果香港可以做到應該生活上縮短左好多排隊嘅距離,而且喺外國已經不少成功嘅例子可以參考。
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁