主題:HSBC 流動保安編碼好方便?三大伏點數你知!

ePrice HK
  • 發表時間:2017-05-09 13:13 收錄檢舉
    大家平時用開邊間銀行的戶口呢?版主我由讀中學開始,已經係用緊 HSBC 綜合戶口,到而家出來社會做嘢,公司出糧都係用 HSBC,可見 HSBC 的受歡迎程度,其實都係好大的。然而,有一個好煩的地方是,版主每個月有好多款項要轉帳,例如家用、儲蓄基金等等,平時又唔係成日有時間出去 ATM,過數好麻煩。可以 e-banking 嘅,但無啦啦又要整個實體嘅「保安編碼器」,先至可以轉帳至第三方戶口。不過,最近 HSBC 推出左「流動保安編碼」,用手機就可以 Gen 到條 Key 出來,但發現原來係好伏!睇下文啦!

    HSBC 流動保安編碼好方便?三大伏點數你知!

    首先要講明,呢個「流動保安編碼」,暫時只係得 iOS 系統先用到,如果你部 iPhone 係有 Touch ID,亦都可以在 HSBC Apps 內進行理財,至於 Android 就要再等下。不過,用唔到都唔可以話係乜嘢損失,因為...... 有用左呢個「流動保安編碼」的用戶發現,其實用左呢個「流動保安編碼」之後,風險會大大提升!

    伏點 001: 用了「流動保安編碼」,實體「保安編碼器」就會報廢。

    伏點 002: 按照伏點 001,實體「保安編碼器」報廢,意味着你就千祈唔可以唔見你部手機,或者你手機唔可以出任何事情。如果你一個唔覺意唔見左部電話,就變相你想網上轉帳都唔得,一定要經 ATM 或者去門市處理,麻煩倍增。另外,仲有個情況更大鑊,假使你無唔見你部電話,但你行行下街唔舒服暈低左,只要人哋用你指紋印一印,就隨時可以轉走哂你啲錢,雖然去番銀行可以 check 得返你啲錢去左邊,但都係麻煩架喇!

    伏點 003: 假如真係唔見左部手機,咁點做好?哦,根據 HSBC 的答覆,就係話打電話去取消「流動保安編碼」,然後你又要重新再申請過「流動保安編碼」,又或者申請番實體「保安編碼器」,但咁做係相當浪費寶貴時間。

    立即加入Facebook 專頁,新聞/消息/優惠,最快知。

    01樓 ▲TOP 回列表頁