主題:快啦快啦,香港可能有份!傳華府禁止全球往美國航班用 Laptop

  • 發表時間:2017-05-19 12:50 收錄檢舉
    繼早前美國下令禁止中東九國家前往美國航班上帶大型電子設備,包括手提電腦及平板電腦,需要強制寄艙後,日前更傳出白宮諗住擴大指令,由目前中東九國擴大到全世界前往美國航班,好可能包括由香港出發嘅班次。若你計劃要去美國,要留意了。

    傳美國禁止全球前往美國航班用 Laptop

    根據 Financial Time 金融時報報導,美國國土安全官員​今個星期喺比利時布魯塞爾會見歐洲專員,期間表示美國政府打算擴大對大型電子設備帶進民航客艙嘅禁令。這個本來只針對由中東地區出發至飛往美國航班,將會申延至全球地區,包括由歐洲及亞洲起飛至美國嘅班次。歐洲專員已表明反對,但美國政府似乎未通知亞洲各國。英國媒體 The Independent 則表示歐洲專員與美國政府會係下星期作進一步談判,並引用消息人士表示,歐洲將尋求同美國達成有利協議,可能承諾喺美國航班門口對大型電子設備進行更仔細嘅安全檢查。

    到底禁令會係點 ? 只好等下個星期進一步嘅結果啦,假若禁令擴展到全球,按照早前對中東對大型電子產品禁令 ,即是大過 
    16厘米、闊為 9.3厘米、厚 1.3厘米就不能上機,需要強制寄艙,除了手提電腦、平板電腦,一些大過 5.5 吋屏幕嘅手機都有機會唔俾帶入客艙,要買大芒手機,又成日要去美國嘅網友,要注意了

    來源: Financial TimeThe Independent
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁