立即下載新八達通 O!ePay App!唔使錢,一步教你攞着數!

左定坤 (Cho Ting Kwan) 2017-06-22 14:45 | 科技新知
流動支付,以及 P2P 支付服務,已漸成今日的主流,就連八達通公司,去年都推出了 O! ePay 服務。以往「八達通」同「O! ePay」係兩個獨立的應用程式,網友想 check 八達通餘額、登記自動增值等,就要利用「八達通」App,而如果想進行 P2P 支付,就要另外再下載「O! ePay」,對於呢點,可能會有網友覺得不方便。有見及此,八達通公司今日宣佈,將「八達通」以及「O! ePay」合併,而全新八達通 App 除左版面更新左之外,仲加入了一系列 的新功能,而且只需一步,更有你着數!想了解更多,睇下文啦!

八達通(Facebook).jpg

合併 O! ePay!新八達通 App 加入 P2P 付款等功能!

八達通公司今日宣佈,將 O! ePay 的功能結合在「八達通」App 中,令使用體驗更方便。全新八達通 App 除左可以利用 NFC 查詢八達通餘額 (iOS 裝置需要用八達通流動讀寫器,另外可以登記及查閱高達 20 張卡),同時亦可以進行 P2P 支付、隨時增值八達通、網上付款 / 繳費、TurboJet 噴射飛航手機購船飛等功能,利用呢個新八達通 App,更可以享有不同商戶的優惠以及電子優惠券,令消費可以更着數!全新「八達通」App 現可在 Google 商店 / App Store 下載或者更新,所有資料包括已登記的八達通卡以及 O! ePay 賬戶結餘等資料,都會自動轉至新八達通 App,無需重新登記。

19451798_455038454854966_1184554835_o.jpg

19478459_455042051521273_697854769_o.jpg
▲ TurboJet 用八達通買船飛,亦都有獨家優惠,可享 $55 現金折扣或者單程免費客位升級。

唔使錢!簡單一步攞着數!

登記左 O! ePay 的新客戶,在 2017 年 9 月 21 日之前,只需在新八達通 App 內增加一位新朋友,就係咁簡單,就可以在八達通 App 內獲贈一張 Haagen-Dazs 免費單球雪糕電子禮券。雖然並不是甚麼送錢,但係唔使錢,在炎炎夏日下有免費雪糕食,有着數,你仲唔快啲攞左佢先?

2131709_4.jpg

最新新聞