主題:1G 月費價錢,2G 寬頻享受!上台申請家居電話,再送三星平板!

ePrice HK
  • 發表時間:2017-07-05 18:41 收錄檢舉
    版主而家屋企上網,用緊 3HK 的 100M 組合,你問我夠唔夠用呢?如果純粹係工作,我會覺得相當夠用,但有些情況下,我又會想: 如果我網速可以再快一點,就好了。就以早前 CMHK 搶 $3000 iPhone 7 Plus 為例,我屋企用緊 100M 寬頻,等網頁 load 得嚟,已經俾人搶清光了,如果上網速度可以再快些,或多或少都會有點優勢。1G 光纖時代已經過去,最近網上行 Netvigator 搶先推出了 2G 寬頻上網計劃,可以用 1G 的價錢,換取 2G 的享受,係咪真係好抵?睇下文了解更多啦!

    1G 月費價錢,2G 寬頻享受!上台申請家居電話,再送三星平板!
     

    網上行新計劃: 1G 月費價錢,享 2G 上網體驗!

    網上行 Netvigator 近日推出了「2G 多連接計劃」,可以用 1G 價錢,享受到 2G 的上網體驗。月費只需 $168 (如果需要租借 Router,需每月另付 $68,而寬頻安裝費為 $280),並簽約 24 個月,就可以有 1000M + 1000M 的寬頻服務、高達 12 個月的 6GB 全速流動通訊服務、Now TV 國際娛樂組合、免費 10GB 雲端儲存以及防毒軟件。係喎,點解要分開兩個 1000M 來說呢?因為這兩個 1000M 分別代表不同的作用: 一個是用作 Router 放 Wi-Fi 用,而另一個則是直接駁落電腦度用。

    同以往最大的不同是,以前只有 1000M,呢 1000M 又要滿足你 Wi-Fi 俾全家人分,又要用來電腦上網,其實係會分慢左個速度。而家就唔同,一條 LAN 線就駁落 Router 用,無論你屋企有幾多人都好,分嘅都係呢 1000M 寬頻,而另外的 1000M,就全部都俾哂電腦用,唔會因為屋企好多裝置連住 Wi-Fi,而在速度上受到影響,變相可以俾你用盡 1000M 應有的速度。

    1G 月費價錢,2G 寬頻享受!上台申請家居電話,再送三星平板!


    除左 2 x 1000M 組合,仲有 4 x 1000M?

    6 / 7 網上行宣佈: 除左 2 x 1000M 寬頻組合之外,另外仲推出了 4 x 1000M 寬頻組合,能夠滿足到「家居辦公室」、「娛樂」、「網上遊戲」以及「安全」四大範疇,月費最低 $458,即日起正式開賣。

    1G 月費價錢,2G 寬頻享受!上台申請家居電話,再送三星平板!
     

    申請家居電話服務,免費送 Samsung 8 吋平板

    申請了以上的「2G 多連接計劃」之後,假如你有必要申請埋家居電話服務,可以每月加多 $139,並簽約 30 個月,除左支持來電顯示等 VAS 服務,另外仲會額外送你 Samsung Galaxy Tab A 8.0 平板,不知網友會否考慮呢?

    1G 月費價錢,2G 寬頻享受!上台申請家居電話,再送三星平板!

    不過有兩個地方需要注意的:

    1. 這個「2G 多連接計劃」,只適用於其他寬頻供應商的現有客戶,即係暫時只係益新客,如果你本身係用緊網上行 Netvigator,係無辦法申請到呢個計劃。

    2. 並不是所有的住宅地區,都能夠申請到「2G 多連接計劃」,所以想申請的話,可以先向門市職員查詢。

    立即加入Facebook 專頁,新聞/消息/優惠,最快知。

    01樓 ▲TOP 回列表頁