主題:平過 Inflight WiFi! csl 推飛機數據漫遊 24 小時 DayPass

ePrice HK
  • 發表時間:2017-09-01 11:50 收錄檢舉
    版主會覺得,坐飛機都係食下野,訓下覺,休息下係最好,但唔少朋友都認為,坐飛機都係可以上住網,同人 WhatsApp、Facebook 時間先係好好過!有見及此,不少新機新航班都有本身 WiFi 服務,但唔講唔知,原來坐飛機,都可幾開著部手機,用番 3G 網絡上網,csl 今日推出「航空漫遊日費通行證」,仲有價錢平過 Inflight WiFi 嘅 Daypass,好合坐長途線嘅網友使用 。

    平過 Inflight WiFi! csl 推飛機數據漫遊 24 小時 DayPass

    $98 飛機上面無限上網
    csl 今日 1/9 公佈:「成為香港首家流動通訊營運商推出「航空漫遊日費通行證」,讓客戶在航機上可無憂享用數據漫遊服務。只需日費港幣 98元,客戶便可以在航機上繼續使用流動通訊服務,在社交平台上更新最新消息、把握最後一刻預訂酒店或租賃汽車,或通知親友最新到埗時間等,讓用戶在高空 30,000呎上也能時刻保持聯繫。」
     
    據了解,csl 的「航空漫遊日費通行證」,原價為 $178 / 24 小時,係十一月三十日前收費為 $98 / 24 小時。呢個日費收費,已括無限上網用量!你會話,乜飛機上面,可幾開著手機嘅咩?幾香港人最熟悉嘅
    國泰航空為例,只要坐佢地嘅空中巴士 A350 機種,當飛機去到指定高度,空中服務員會廣播你現在可幾開啟手機!這時,手機便接收到兩個航空網絡,包括 AeroMobile 或 OnAir。其實,香港其他網絡商,都有提供  AeroMobile 或 OnAir 嘅飛機數據漫遊,但收費係逐 MB 咁計,用咗會破產,而 csl 嘅 「航空漫遊日費通行證」,就變為廿四小時封頂收費,但要透過佢地嘅專用 App 申請服務呢!

    csl 表示,佢地嘅「航空漫遊日費通行證」適用於包括國泰航空、法國航空、英國航空、阿聯酋航空及新加坡航空等多家主要國際航空公司旗下所有配備合適裝置的飛機。幾國泰航空為例,就係全線 Airbus A350 客機。版主查過,國泰採用 A350 機種長途航線包括: 香港來往紐約紐瓦克、三蕃市、溫哥華、曼徹斯特、奧克蘭等 (當然都有短途,但短途似乎用 InFlight wifi 抵好多)。

    平過 Inflight WiFi! csl 推飛機數據漫遊 24 小時 DayPass
    想知道國泰  A350  客機嘅 WiFi 服務係點?ePrice 嘅 Wilson 試過,Click 入有收費及試用報告
     
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁