主題:航班中手機無限上網!csl 航空數據漫遊評測 + LH731 A350-900 飛行報告

ePrice HK
  • 發表時間:2017-10-17 15:55 收錄檢舉
    大大話話坐飛機到外地出差,一年都有五六次左右,一直都知航班上,不能開手機。但近來規距越來越鬆!除咗中國大陸嘅 Airlines,大部份都俾你係航班上,以 Flight Mode 操作手機或平板電腦,若果你坐 Airbus A350 機種,在飛起與降落之外嘅時間,仲可以開埋手機 Cellular Mode!隨著 csl. 開啟了香港首個航空數據漫遊日費,你要係飛機無限用手機上網,連續 24 小時,都只係俾 $98,用得多,比起 WiFi 更平!早幾日,版主乘坐了漢莎航空,由香港至慕尼黑 LH 731 航班,呢個班次,最近升格用上空中巴士 A350-900 機種,全新之餘,仲有航空手機網絡可用,版主一次過連埋飛行報告,跟大家分享一下。

    csl 航空數據漫遊評測 + LH731 A350-900 飛行報告

    先來 LH731 飛行報告
    聽說 A350 係最新機種,本地嘅國泰航空,都引入咗唔少。不過,今次版主要到德國慕尼參予華為 Mate 10 發佈會,要坐直航,就被安排坐漢莎航空。呢班機以 A350-900 最新機種運作,出發前已好期待。計計下,對上次坐漢莎,無十年都係七、八年前嘅事,我聽聞漢莎服務都 Upgrade 唔少,至少今次都感受到,呢部份嘅飛行報告,以圖說文為主!

    csl 航空數據漫遊評測 + LH731 A350-900 飛行報告
    ▲ LH 731 由香港至慕尼黑,是一班 Red Eye Flight,23:15 起飛,去到目的地係當地凌晨五點左右。有無 Jetlag?又無喎。

    csl 航空數據漫遊評測 + LH731 A350-900 飛行報告
    ▲ 比起 A380,A350 唔算好大架!聽聞慳油係佢賣點!睇落都似。

    版主任由航空公司安排座位,網上 Check in 知道 18C 係走廊位,又坐得前,無刻意去改,但原來呢個位好特別。明明係 343 config,16 行 (無 17 行的) 係無 C 位,即係無啦啦,我變咗坐 Long Leg Room。好事來嘅,坐 Econ Seat,長途機可以伸值隻腳喎。但問題係,無咗前面個袋,無得睇 Inflight Magazine、無得揀免稅品;要幫手機充電,要抽起椅旁嘅電視機;要放杯水,又要抽起個 Tray...抽來抽去,好麻煩。但更煩係,我嘅 平板電腦、手機、眼鏡盒,全部無位俾我放。真係有得必有失,所以呢個位,係唔駛加錢。For Your Information,18A,18B Legroom 唔知㸃解特別窄,但 16A、16B、16E 又要特別用抽起的電視機。呢個設計,就好似多左個泊車位., 又方便餐車出入。

    csl 航空數據漫遊評測 + LH731 A350-900 飛行報告csl 航空數據漫遊評測 + LH731 A350-900 飛行報告
    ▲ 可以伸直雙腳!留意前面 16B 個背係無電視機的

    csl 航空數據漫遊評測 + LH731 A350-900 飛行報告
    ▲ 我嗰位 18C 係要用抽出電視機,同 tray,叉電要咁様,好唔方便。

    csl 航空數據漫遊評測 + LH731 A350-900 飛行報告
    ▲ 對面 16E 位,Legroom 好闊,但都係用抽出電視機,但有番嗰袋。

    csl 航空數據漫遊評測 + LH731 A350-900 飛行報告
    ▲ 漢莎 A350-900,正常  Econ Seat 會有 12 吋電視機,但版主呢個 18C 位屏幕明顯細好多。

    csl 航空數據漫遊評測 + LH731 A350-900 飛行報告
    ▲ 呢套 IFE,仲有手機 App 可以配合使用,連上航班上嘅 WiFi 就可以。呢個航班最有趣地方,有電視直播節目,其中一個係體育台,就係當晚,直播了一場英超賽事!上機睇直播足球,係咪估佢唔到呢?

    csl 航空數據漫遊評測 + LH731 A350-900 飛行報告
    ▲其實,IFE 寫左係繁體中文,但結果,全部係殘體!

    csl 航空數據漫遊評測 + LH731 A350-900 飛行報告
    ▲ 這是我份晚餐,比較驚喜係,仲用緊鐵刀叉....據對飛機事好有認識嘅 Wilson Li 同我講,應該係我坐得因航太多,以為再沒有航空公司,提供鐵刀叉,又咁講,呢三四年,就算坐長途機,都唔見有鐵刀叉出現,今次叫驚喜了。

    csl 航空數據漫遊評測 + LH731 A350-900 飛行報告
    ▲ 呢份係我嘅早餐,留意相片下方的「大肚腩」,都係 18C 缺點之一,個 Tray 好頂!
     

    戲肉:csl. 航空漫遊

    csl. 早前宣佈推出航空數據漫遊日費計劃,換言之,可以俾你係飛機上面,開著手機,用番 3G 上網  (係無 4G 架)。之前 ePrice 已有文章講過,呢到再提下,暫時只有指定航空公司用得到,除左今次嘅漢莎航空,香港人最常坐係因航都有份,但要記得暫時只支援 A350 機款。LH371 會係下年轉用 A380 機款!收費方面,係 11 月31 日之前,連續使用廿四小時為 HK$98,比起漢莎嘅廿四小時空中 WiFi 收費較平。

    csl 航空數據漫遊評測 + LH731 A350-900 飛行報告
    ▲ 當空中服務員宣佈你可以開著手機,你可以把手機著番 Cellular Mode,要上網嘅話,記得開埋數據漫遊。手機會自動連至 AeroMobile。航空數據漫遊供應商,主要係 AeroMobile 與 OnAir,前者以 3G ,後者用 GSM 作服務。

    csl 航空數據漫遊評測 + LH731 A350-900 飛行報告
    ▲ 開著左手機上網數據服務,就收到 SMS,即時扣左你 HK$98。按入條 Link 就可以 Check到你仲有幾多個鐘,可以用來手機上網。

    csl 航空數據漫遊評測 + LH731 A350-900 飛行報告
    ▲航班上手機上網好唔好用?其實頭段係完全 Connect 唔到,直接飛了五小時,我訓醒個陣,發覺又連到線了。不過,速度真係唔得掂,多次測速,得出嘅速度,最好都係 300kbps 左右,大部份 128kbps。可以做到乜?WhatsApp、Facebook、Messenger、查看 Gmail 係無問題,睇片就基本上無可能。有同行者用 Infight WiFi 就話試過有 3Mbps 速度,但慢起上來,都係獄速。不變就係有超高 Ping,過  1000ms 架。仲有,漢莎航空寫明唔比用 Voice Call,版主係唔知情情況下,打左一個 FB Call,被空姐告知不能用通話服務,但係短短過程,對方都話收得清楚的。

    csl 航空數據漫遊評測 + LH731 A350-900 飛行報告

    ▲ csl 航機漫遊收費暫時係  HK$98 廿四小時,而漢莎航空空中 WiFi 收費見圖。除了呢三個 Plan,其實仲有一個 24 小時嘅 Chat Plan,只能用到 WhatsApp 及 FB Messenger 的文字傳送,速度更只有 64kbps。
     

    小結

    試了csl. 航空數據漫遊日費計劃,我會覺得 $98 係好貴。點解貴?因為速度太慢,地獄速度一日收 $98,無可能。這不關 csl. 事,係飛機上面,有得上網,不要求太高。以長途飛機來講,我會覺得瞓唔著,可以揾 WhatsApp、FB Messenger 朋友傾下 Chit 下,時間可以好快過。但我都唔主張咁做,至少我回程唔會咁做,我情煩享受  IFE 提供嘅節目,聽下歌,睇下戲,訓下覺。尤其對方唔知你上網係地獄速度,你朋友、你 Boss,知你有得上網,要求你幫忙,要指令你工作,真係得個攪字。坐 Econ Seat 仲要長途,本應不是很自在,都係一句,用來休息就最好。
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁