你呃人!雙十一假減價真搵笨
|
科技新知
話說中國消費者協會日前公佈咗「雙 11 網購商品價格跟蹤調查報告」,佢哋喺雙十一前後記錄了來自 16 個網購平台,共 600 件商品價格,再比對雙十一優惠促銷的價格。16 個平台包括淘寶、京東、天貓、亞馬遜(中國)、國美、蘇寧等,扣除雙十一期間缺貨、停售、下架等種種原因,有效產品樣本合共 539 件。
結果中國消費者協會發現,雙十一價格和平時一樣佔 72%,至於平時比雙十一促銷更便宜就有 6.1%。換句話說,有 78.1% 抽查樣本嘅雙十一優惠其實係搵笨。協會表示有平台將原價在雙十一前提高,以營造更高的減價幅度,又有商戶先加價後減價,根本冇提供任何優惠。甚至有商戶混水摸魚乘機加價,搏消費者買得性起唔為意。協會表示今年的情況較去年雙十一更為嚴重,提醒消費者購物前要謹慎。
來源:cnbeta