主題:挑戰支付寶!八達通商用版,用 QR Code 在香港餐廳「叫雞」

ePrice HK
  • 發表時間:2017-11-30 16:28 收錄檢舉
    昔有雷教授語出驚人,指出大陸召妓可以用支付寶,今有八達通推 QR Code 電子付款,或者會將雷教授的夢成真?早幾日版主就透露過,八達通將有新玩法,用來打微信、支付寶,而今日八達通公司就舉行了發佈會,推出了商用版的八達通 App,可以讓主要收取現金付款的中小企、持牌小販、的士司機等等,改用 QR Code 收錢,而且申請程序唔難,就算顧客用 iPhone,都可以俾到錢,解決埋 iPhone 沒有 NFC 的問題 (修正一下:不能說 iPhone 沒有 NFC,而是佢嘅 NFC 是封閉式)。想知詳情,看下文啦!

    挑戰支付寶!八達通商用版,用 QR Code 在香港餐廳「叫雞」

    今日發佈會的重點,集中於商用版八達通,講商戶如何可以申請商用版八達通,創造一個無現金的交易方式。其實唔難,有 BR 有公司銀行戶口就得。你話如果的士司機、持牌小販果啲無 BR 點呀?有司機證、相關牌照,一樣可以申請到。不過,對於大部份網友來說,其實講點申請商用版八達通、點收錢,似乎太過離身。老老實實,有幾多個網友係做老細,自己做生意呢?唔敢講話無,但應該不多。

    其實重點是,當 QR Code 付款功能推出之後,可以用到 QR Code 付款的商戶就會多左,就算你出街搭的士,只要打開 Octopus 應用程式,按「付款」再按右上角的 QR Code 掣掃二維碼,就可以完成交易。學雷教授話齋,分分鐘去叫 KFC,都可以掃一掃 QR Code 就可以俾到錢。

    挑戰支付寶!八達通商用版,用 QR Code 在香港餐廳「叫雞」

    不過,係唔係咁就叫方便呢?首先,O! ePay 呢個功能目前來說還是不夠普及,同埋如果你要掃 QR Code 俾錢,你要本身在 O! ePay 賬戶入面有錢,呢個都未係最大問題,最大問題係目前 O! ePay 同八達通仍是兩套不同的 Systems,未能完美地將 O! ePay 同八達通進行整合,無錯雖然你係可以透過 App 將八達通裡面的錢過去 O!ePay,同時亦都可以調番轉將 O! ePay 入面嘅錢過去八達通,但始終因為八達通卡係一樣 Offline 嘅嘢,你想進行呢個步驟,還是需要用手機 NFC 先可以做到,而呢個過程,就暫時未能支持 iPhone (除非買個讀卡機)。

    但平心而論,多個付款的方式,還是一件好事,然而還是有很大的改良空間。對於八達通今次推出的呢個功能,網友又支唔支持呢?留言討論下吧!
     

    八達通 QR Code 付款相關文章

    挑戰支付寶!八達通商用版,用 QR Code 在香港餐廳「叫雞」
     八達通夥拍 Samsung Pay 有時間表啦 ! Apple Pay 呢?

    立即加入Facebook 專頁,新聞/消息/優惠,最快知。

    01樓 ▲TOP 回列表頁