戴住 VR 坐過山車，感覺好正？海洋公園玩 VR 體驗報告

記得上年我曾經接觸過一款入門版嘅 VR—一個眼罩仔入面裝住部電話，模擬玩過山車的情景，但從來無諗過，原來而家 VR 技術真係可以在真正的過山車上應用到。到底戴住 VR 頭戴玩過山車係乜嘢感覺呢？三星就邀請了傳媒朋友去海洋公園，親身感受一下！睇下文啦！



坐上海洋公園嘅越礦飛車，戴上Samsung Gear VR，不單止可以透過 VR 裝置，睇到玩過山車的情景，身體仲可以感覺到越礦飛車嘅離心力，其實係一件幾爽嘅事黎嘅。坐越礦飛車有一個優點，就係可以睇到香港南區嘅海景，而越礦飛車曾經在外國人眼中，屬少有可以睇到海景的過山車之一。


▲ 去到越礦飛車，今次提供技術係 Samsung，所以會見到好大個 Samsun Gear VR 喺到。


▲ 戴上Samsung Gear VR，你就會入左個 VR 世界，而 VR 世界係一個森林黎嘅，入面都有game玩，喺玩過山車嘅過程中會有敵人，只要擊落敵人，就能夠取得積分。


▲ 正正因為喺 VR 世界之下，你唔會覺得自己真係坐緊過山車，由開車到落車整個過程，都唔會覺得好驚，玩完又唔會點心跳加速咁，心理壓力細左好多，直接咁講係「無感覺」。

除此之外，海洋公園今年冬天在「急流天地」同「動感天地」隔離 (兩者都要上山)，設立左唔同嘅 VR 體驗區，由動態到靜態都有，適合不同年紀嘅人去玩 VR。不過有部分嘅 VR 遊戲就係使用 HTC Vive 嘅，相信玩 VR 遊戲的體驗會更好。

▲ 玩靜態嘅遊戲，就好似上面隻 Game 咁，就要企定定望住飛翔中的畫面。


▲ 而動態的遊戲，就要不斷地跑動，模擬斷橋遊戲，玩嗰陣有女玩家不禁大叫。

今次集中地使用了 Samsung Gear VR 及 HTC Vive，兩款 VR 頭戴帶給玩家的感覺各有不同，但整體來說遊戲體驗還是相當不錯。而海洋公園在設置 VR 遊戲的過程中，應該經過過很多嘅測試，所以我地玩嗰陣都唔見有好大嘅操作問題，個人而言其實拍得住 Tokyo VR Zone 入面嘅 VR 遊戲。

海洋公園今次推出 VR 體驗區，都對推動 VR 有好大的幫助，對正常的市民黎講，可以充份地在海洋公園入面，享受到 VR 嘅開心之處，更能讓公眾對 VR 的認識大大加深。你又會唔會有興趣去海洋公園親身感受下呢？