主題:樂視清盤 hmvod 出手打救!苦主居然變贏家?

ePrice HK
  • 發表時間:2017-12-22 02:04 收錄檢舉
    曾經風靡一時,出哂名到處留債的樂視 LeEco,終於宣佈要將樂視香港清盤喇!雖然暫時未影響到樂視體育 LeSports,網友暫時依然可以睇 NBA,但如果曾經 Join 左樂視月費會員,咁就頭痕了,蝕哂俾樂視,追又追唔返,欲哭無淚~ 表情 #6 見到樂視苦主咁鬼慘,hmvod 就趁機抽水,推出特別為樂視苦主而設的轉會優惠,聽落好似無乜蝕底,隨時苦主變贏家。到底係乜優惠,睇下文啦!

    樂視清盤 hmvod 出手打救!苦主居然變贏家?

    就在剛剛,Hmvod 在 Facebook 專頁上發文,表示推出特別為「樂視苦主」而設的轉會優惠,樂視會員仲剩下幾耐,hmvod 就送你幾耐。聽落好似仲好啦,hmvod 可以俾你睇到超過 3000 部影視節目,內容相信比樂視更豐富。而家樂視會員只需要上載有效樂視(香港)賬戶證明文件,清楚證明俾 hmvod 知你仲剩低幾多個月月費,咁 hmvod 就會俾返你免費睇返咁多個月嘅 hmvod 節目 (最多 12 個月免費)。核實時間為 3 天,hmvod 會以電郵通知是否成功開通免費 hmvod 月費服務。

    樂視清盤 hmvod 出手打救!苦主居然變贏家?

    雖然樂視 (香港) 清盤,現有客戶聽落係苦主,但而家 hmvod 推出呢個優惠,就似乎令呢班苦主變左做真正的羸家~ 表情 #7 你又點睇呢?

    立即加入Facebook 專頁,新聞/消息/優惠,最快知。

    01樓 ▲TOP 回列表頁