主題:台灣試用 Uros Wi-Fi 蛋!可插 10 張 SIM,Goodspeed MF900 評測

ePrice HK
  • 發表時間:2018-03-01 16:29 收錄檢舉
    MWC2018 大會,個個都飛去西班牙巴塞睇,唔通個個都想飛去睇咩?其實版主心中果句:我想架!我真係想!不過,最後版主就飛咗去台灣睇 Sony 的同步發佈會,都好嘅,至少都係第一時間上手試玩到新機。點都好,無論係飛巴塞定飛台灣,漫遊上網都係最重要的東西,如果唔係根本就去到做唔到嘢。而今次版主除了準備了一張漫遊數據卡之外,另外仲向一間芬蘭公司 Uros 借了一隻 Wi-Fi 蛋 - Goodspeed MF900 開箱試測,試用幾天之後,在速度、穩定性等方面,個人都覺得很滿意。但,都有值得留意的地方,就等版主同大家分享一下吧!

    台灣試用 Uros Wi-Fi 蛋!可插 10 張 SIM,Goodspeed MF900 評測

    Goodspeed MF900,其實並不是甚麼新產品,幾年前已經有,但呢類 Wi-Fi 蛋,平時正常有幾何會用到,通常係去旅行先會用得着,所以好多時網友都會租就算。但如果你係 I go to school by airbus 果類人,呢部 MF900 個人覺得係幾好用。收到部 Wi-Fi 蛋,第一時間研究下到底點用,一打開,嚇死,原來部 Wi-Fi 蛋可以插到最多 10 張 SIM 卡,而到手的時候已經見到入面插住 5-6 張 SIM,果陣就同版主 Keith 研究,咁多個卡槽位,有乜作用?一團人一人一張 SIM,插哂入去用?表情 #5表情 #4

    唔理咁多,先同大家做個開箱再講!

    台灣試用 Uros Wi-Fi 蛋!可插 10 張 SIM,Goodspeed MF900 評測
    ▲ 黑色的包裝盒,上面有 Goodspeed MF900 的外觀圖,而側面則寫住「GOODSPEED Global Mobile Hotspot 4G」。

    台灣試用 Uros Wi-Fi 蛋!可插 10 張 SIM,Goodspeed MF900 評測
    ▲ 另外,都可以見到前方寫住「ZTE」。

    台灣試用 Uros Wi-Fi 蛋!可插 10 張 SIM,Goodspeed MF900 評測
    ▲ 包裝盒底部會見到關於 Goodspeed MF900 的規格資料,包括支持乜嘢頻段、機身體積重、電量等等,而最高下載速度則有 150Mbps。

    台灣試用 Uros Wi-Fi 蛋!可插 10 張 SIM,Goodspeed MF900 評測
    ▲ 入面有嘅配件都好正路,都係火牛同 USB 線,不過火牛係美規雙圓頭的。

    台灣試用 Uros Wi-Fi 蛋!可插 10 張 SIM,Goodspeed MF900 評測
    ▲ 機身設計如上圖,用上咗好似 iPhone 7 亮黑的顏色,缺點是超級容易痴手指膜,是一個強大的指紋收集器。畫面上可以見到,佢已經 detect 到用台灣數據,寫住 CONNECTED,代表可以用手機連接 Wi-Fi 蛋。下方亦有寫住用咗幾多數據,而左上角會有訊號強弱指示,而右上角則有電量跟連接手機數量 (上圖顯示為 1,但最多可以連接 15 部裝置)。

    台灣試用 Uros Wi-Fi 蛋!可插 10 張 SIM,Goodspeed MF900 評測
    ▲ 而背面除左 ZTE 之外,乜都無了。

    台灣試用 Uros Wi-Fi 蛋!可插 10 張 SIM,Goodspeed MF900 評測
    ▲ 右側會見到有 MENU 鍵,按一下會見到 SSID 同密碼資料,你手機只要跟住輸入返就可以了。

    台灣試用 Uros Wi-Fi 蛋!可插 10 張 SIM,Goodspeed MF900 評測
    ▲ 而左側則有開關鍵以及 microUSB 插槽。

    台灣試用 Uros Wi-Fi 蛋!可插 10 張 SIM,Goodspeed MF900 評測
    ▲ 用手指公輕輕向下一推,可以打開面蓋,入面可以見到有成 10 個 SIM 卡槽位,而呢部 Wi-Fi 蛋剛到手時,已經插住咗 6 張 SIM。有乜作用,之後再講。

    睇完成部 Goodspeed MF900 之後,係時候要講下到底呢部 MF900 係點用,同價錢收費如何。首先,Goodspeed MF900 係一部支持全球大部份國家上網的 Wi-Fi 蛋,而版主向 Uros 方面問過,點解入面有咁多張 SIM,係咪廢 SIM 定係點呢?Uros 回應,其實並不是,任何用家只要入手呢部 Goodspeed MF900,入面一樣會有咁多張 SIM,就因為有咁多張 SIM,幫助佢去到世界各地都用到。

    Goodspeed MF900 入手方法:
    版主留意到,台灣 Global WiFi 網站係有 Goodspeed MF900 的租借服務,可惜目前香港並未有呢部 Wi-Fi 蛋的租借服務,只能在 Goodspeed 官網註冊,直接購買。不過,價錢平與貴,見仁見智,真係好用其實都值,但版主個人比較窮,未必會捨得入手。

    機價:149 歐元
    送香港運費:27 歐元
    Total:176 歐元 (折合港幣約 $1682.5)


    台灣試用 Uros Wi-Fi 蛋!可插 10 張 SIM,Goodspeed MF900 評測

    台灣試用 Uros Wi-Fi 蛋!可插 10 張 SIM,Goodspeed MF900 評測

    使用方法有兩種:
    1. 上 goodspeed.io 填完個人資料登記,然後買 Plan。根據官網顯示,每 250MB 價格為 8.50 歐元,折合港幣約 $81.26 (未計增值稅)。而版主都問過,正常情況來說,當你去到其他國家,就會有提示問你是否需要買佢哋 Day Plan。而用完 250MB 之後,唔會同你自動續 Plan,會再有通知問你,你要續先需要俾錢。

    【P.S. Uros 方面亦表示,香港好快會正式推出 Goodspeed MF900 同相關 Day Pass 計劃,價格可能同現有官網有少許出入】

    2. 直接插自己出面買嘅儲值卡。如果 MF900 detect 到你有其他 SIM 卡,就會自動用返你張 SIM 嘅數據。
     

    實測上網速度

    因為版主手上的 MF900 是給媒體的測試機,故不用自己買 Plan,並沒有 250MB 的限制。然而 Uros 表示,其速度同正常買 Plan 個速度係一樣的。版主在台灣機場 Lounge 入面,用 Speedtest 測試軟件測試過網速,下載速度有 14.9Mbps,而上載速度都有 15 Mbps,呢個速度基本上用來上網、睇片、打機,完全沒有問題。(當然,得 250MB 正常你唔會攞黎睇片嘅,最多係用上 Google Map 搵路,send 下 whatsapp 架啫。) 而在搭捷運時使用,穩定性都相當高,並不會因為高速移動而受到影響。

    台灣試用 Uros Wi-Fi 蛋!可插 10 張 SIM,Goodspeed MF900 評測
    ▲ 在台北桃園機場 Lounge 入面,下載速度為 14.9Mbps,而上載速度則為 15.0Mbps,呢個速度完全夠用。

     

    立即加入Facebook 專頁,新聞/消息/優惠,最快知。

    01樓 ▲TOP 回列表頁