注意!順豐即日起電子化!版主實測 QR Code 寄件方便定麻煩咗

左定坤 (Cho Ting Kwan) 2018-05-19 13:54 | 科技新知
今時今日,你無理由唔知順豐係乜,唔好講後生唔後生,就算係我媽嘅年紀,都識得用。的確,順豐已經深入民心,無論你是淘寶買嘢,抑或需要寄件,都好大機會用到順豐。版主不時都需要用到順豐去寄送手機,去到順豐同佢講聲寄本地,佢就會俾張 form 你填寫寄件人、收件人等資料,之後就交俾職員幫你 pack 箱。不過最近去順豐寄件,發現改咗方式:用 QR Code,據職員所述,未來將會全面實行 QR Code 寄件。版主實試後,覺得有無方便咗呢?下文同大家分享一下!

順豐(Facebook).jpg

最近又係要去順豐寄手機,點知發覺成個寄件流程唔同咗。以前係職員俾份 form 你,自己手寫填上寄件人、收件人資料,而家佢依然會俾份 form 你,但 form 上面就有個 QR Code,要你用手機去掃描,在手機上填寫所有的資料。分店職員表示,呢個新措施是這一兩個星期才開始推行的,而有關寄件程序如下:

STEP 1:用手機掃 QR Code
1.jpg
▲ 無錯,第一步係要掃 QR Code,如果你係用緊 iPhone,就可以直接打開相機對住 QR Code,咁就可以打開網頁。而如果你是使用 Android 手機,並非部部手機都有內置 QR Code 掃描功能,你就可能需要先下載其他的 QR Code Scann 應用程式。

STEP 2:輸入你的手機號碼,並填上驗證碼,登錄順豐的系統
2.jpg
▲ 你可以見到,其實你是有得選擇跳過登錄的,然而版主會覺得,一旦登錄咗之後才會方便一點,點解?睇埋落去就知。

STEP 3:填寫寄件人與收件人的資料
3.jpg4.jpg
▲ 是咁的,因為我之前曾經登錄過順豐,並已經填寫過我的寄件資料,系統亦已記錄下來,所以下次再使用寄件系統時,就可以不用再重新填寫,相對節省一點時間。填寫完之後,就按「寄件」即可。

STEP 4:輸入你需要寄送的物品類型,以及選擇付款方式
5.jpg
▲ 如上圖顯示,如果物品價值大於 $1000,就需要另交保費。而如果好似版主咁要寄電子產品,就一定要買埋保險,聽說是現在會嚴格執行的規例。另外,亦需要選擇付款的方式,例如寄付現結、到付、抑或公司月結,填寫完後,再按一次「寄件」。

STEP 5:大致完成,可取消訂單 / 查詢快遞情況
6.jpg7.jpg
▲ 其後就會出現左邊的畫面,你亦可以按「包裹查詢」,追蹤快件的運送情況。

STEP 6:等待順豐職員處理運單
8.jpg
▲ 當你提交了運單之後,都未可以即刻走人,你仲要等職員用返公司專用的手機,同樣掃返個 QR Code,以處理你的運單,如你選擇了寄件現付,職員亦需要向你收取現金。

9.jpg
▲ 假如寄送的是物品需要買保險,職員表示亦需要在客人面前,pack 好箱才行。

同時職員亦指出,未來將會全面改制,捨棄傳統的手寫填表,改為智能化 QR Code 寄件。然而,用 QR Code 寄件需要有它的優點,但亦有不便之處:

優點
- 透過輸入你的電話,填寫驗證碼登錄後,資料就會記錄在你的「賬號」裡,除了首次填寫比較麻煩,要填寫你的寄件人資料之外,之後再填寫就可以節省一點時間,這點是方便的。

缺點
- 雖然對於普遍人來說,可能是方便,但對於比較年長,或不太懂用 QR Code 的人來說,就是不便。以往寄件可能習慣用手寫,雖然所花時間可能會較長,但至少係人都識得用。而如果全面改為只用 QR Code 寄件,那這類的客人一係就要重新再學過,一係就唯有放棄順豐,去返傳統的郵政局寄。

建議
- 用 QR Code 寄件之餘,亦為部份有需要人士提供手寫填 form 的方法,而非全面取代手寫 form。
- 現階段除了令寄件效率加快一點之外,實際用途並不太大,建議未來加入電子支付功能,不用在搞完一大輪之後,仲要再另外剿現金。
 

最新新聞