主題:動漫節 2018 新制度:需實名登記 排隊入場搶限量品

ePrice HK
  • 發表時間:2018-06-21 14:31 收錄檢舉
    一年一度嘅香港動漫電玩節 (簡稱:動漫節) 又嚟喇!無錯!又係攞正牌可以睇靚女嘅日子~值得期待,萬歲! 表情 #4 今年動漫節將會喺 7 月 27 日至 31 日舉行,有無網友會打算去動漫節觀摩一下呢?喂喂喂,唔好諗歪,動漫節唔一定淨係得 Cosplayers 睇,好多廠商如 PlayStation、XBox 等等都會參展,到時會有挺吸引嘅展銷優惠,一樣係值得期待架!不過,呢篇文章重點並唔係講有啲咩優惠,而係話俾大家知,動漫節今年將會實施全新嘅實名登記排隊制度。有乜要知,睇下文啦!

    動漫節 2018 新制度:需實名登記 排隊入場搶限量品

    適逄香港動漫電玩節 (下稱動漫節) 20 周年,為咗令到個氣氛更加熱鬧,大會推動參展商推出一些限量品銷售。不過,有乜限量品銷售,暫時就未有公佈,然而為咗令會場內嘅參展商順利及有秩序銷售限量品,今年的動漫節將會以實名登記制,為首日 (7 月 27 日) 頭 500 位入場觀眾預先登記,成功預先登記嘅觀眾,憑住大會發出嘅頭籌卡,可以喺 7 月 27 日朝早,按編號順序入場。
     

    到底要點做,先可以預先登記呢?

    登記日期:2018 年 7 月 23 日(星期一)
    登記時間:9:00am - 12:45pm
    登記地點:麥花臣場館(九龍旺角奶路臣街 38 號)
    實名登記名額:500 個。每人限登記一次。


    要準備的登記資料:姓名、香港身份證頭四位數字(如非香港身份證,則登記有效旅遊證件完整號碼)、手機號碼、容貌(即時掃描容貌)
     

    另外仲有乜嘢要注意?

    1. 成功登記者,會獲大會派發一張印有編號嘅頭籌卡,領取頭籌卡後即可離去。
    2. 成功登記者,必須於 7 月 27 日早上指定時間,憑頭籌卡到香港會議展覽中心指定地點,經容貌識別及核對料確認身份後,根據頭籌卡上嘅號碼排隊等候入場。
    3. 頭籌卡只限該登記人士使用,不得轉讓。
    4. 頭籌卡如有損毀或遺失,均屬失效,大會唔會再補發。
    5. 進場購物須出示頭籌卡,並由參展商收回。
    6. 是次實名登記收集到的個人資料,只供 2018 年動漫節核對入場人士身份使用,大會表示將會在展覽完畢後銷毀所有個人資料。

    不過,版主個人就覺得,咁樣又搞乜實名登記,令到成件事變得複雜 + 麻煩咗,你又點睇呢?

    立即加入Facebook 專頁,新聞/消息/優惠,最快知。

    01樓 ▲TOP 回列表頁