派錢吸新客!WeChat Pay 日日派現金券

虎仔 / 馬日山 2018-07-31 12:27 | 科技新知
版主虎仔成日話要慳錢,就要識得善用手機錢包,因為幾間公司都用優惠積極搶客。如果你以為呢啲優惠只限於大集團連鎖店,其實又唔一定喎!WeChat Pay 由即日起至 8 月 31 日又推出全新優惠「日日不停賞」,幫襯小店時以 WeChat Pay 俾錢就有著數。

0731-5cFB.jpg

今次 WeChat Pay「日日不停賞」優惠分為兩部份,第一個優惠係 HK$8.8 迎新獎賞,用戶喺推廣期間打開手機 App,喺推廣頁面點選「立即領取」按鍵就可以獲得價值 HK$8.8 的電子現金券一張。用戶之後喺指定商戶掃描 QR Code 消費滿 HK$8.8 就可以使用電子現金券。不過呢張電子現金券只有效 7 日,之後就會自動過期失效。唔好貪快攞咗,但忘記使用啊!

0731-5a.jpg

至於第二部份嘅優惠就簡單得多,喺「日日不停賞」推廣活動期間,於指定商戶使用「掃描 QR Code」後單次消費滿 HK$10,就可以獲得價值 HK$3 的電子現金券一張。電子現金券可以在消費後的一日喺指定商戶使用,同樣係單次消費滿 HK$10 就可以,亦係 7 天後自動過期失效,每日最多可以獲得 1 張現金券。

0731-5b.jpg

之前 WeChat Pay 嘅優惠好多都係大集團連鎖店,今次 HK$8.8 電子現金券可以使用嘅都係小商戶,包括韓點(元朗店)、蘇記鮮魚、彩虹香薰店、T&T 日系美甲、美眉妝舎、韓國護膚平專賣店、90S PEACH、MIMI、DRESS UP、電話先生、業成水電工程、SEXY BRA、WAY DIGITAL、DA KUBE STRE、2099、容記魚枱、絲念 SINIAN、得福利實業公司、孫勸艾美專業瘦身養生、英記蔬菜、根記漁枱、YAT SUN TELECOM、愛潮閣美容纖體、穩記 WAN KEE、新潔麗洗衣店、新輝電子科技、天天洗衣專門店等。

 

最新新聞