【懶人包】化學博士 K Kwong 發表 DIY 口罩「HK MASK」挑機 N95

左定坤 (Cho Ting Kwan) 2020-02-21 18:35 | 科技新知
在疫情嚴竣、口罩供不應求、處處炒價的環境下,有甚麼方法可以解決現況呢?化學博士 K Kwong 剛剛就宣佈成功研發出可負擔、可隔病毒、可循環再用的「HK MASK」口罩,而且仲話可以挑戰 N95,更重要係,口罩個 Filter 得到咗港大認證!想知幾時會量產推出,內文再講!

FB

001:HKMASK = 一個人手車製而成嘅棉布套 + 濾芯

HK Mask 其實係由 K Kwong (香港大學化學博士鄺士山) 研發出來,一個自製布口罩樣式,再加特製濾芯的可重用,可以阻擋「飛沬」的口罩。

跟據他們的資料:「特別嘅布套設計令「HK MASK」保護較坊間自製口罩布套更全面,同時亦都方便用家按需要選用袋裝紙巾、廚房紙巾、Microfiber 或 Nanofiber 用作「HK MASK」濾芯,以緩解外科口罩原材料不足的現況」。

簡單來講,就是只要依照 K Kwong 嘅布口罩樣式,以布料製作布口罩,只要加入袋裝紙巾、廚房紙巾都可以成為一個具有一定防「飛沬」的口罩。若果要有再好一點的防禦效果,可加入 HK MASK 合作夥伴的濾芯,包括Microfiber 及 Nanofiber

K Kwong 表示,布口罩加上 2 張袋裝紙巾,就可以有 N95 口罩的 7 成效果,但一定未達到 ASTM Level 1,未來將會用 Nanofiber 作濾芯,去作美國 ASTM 認證 (Click 呢度了解更多)。


WhatsApp Image 2020-02-21 at 6.02.44 PM.jpeg
▲ K Kwong 團隊設計的 HK Mask,包括了布口罩與濾芯兩個重要組成部份。 

002:點樣戴才是重點
K Kwong 設計的 HK Mask,主要分為兩個部份,首先是布罩設計部份。K Kwong 強調,布口罩本身可以做到把大部份面部都包在口罩裡面,而重點是濾芯部份,配戴時是可以覆蓋整個口罩面部部份,令到吸入的每一淡氣,都可以通過濾芯,做成真正防「飛沬」的效果。所以,配戴這款 HK Mask 比起普通外科口罩,會麻煩一點,但好處是夠 Tight,亦夠靈活,甚至可以開口罩飲水,口罩都可以掛起到,不用拆出來。

003:Nanofiber 濾芯終極保護
單係布口罩本身,沒有防禦「飛沬」作用。K Kwong 表示,一定要加入濾芯。它跟本地公司 Focus 合作,將用在空氣清新機過濾芯片技術  Nanofiber,應用在布口罩濾芯上。未來,用家可選購 Nanofiber 濾芯。K Kwong 表示,若果配戴正確,HK Mask 布口罩加 Nanofiber 這個組合,可做到近似 N95 醫護口罩的防禦「飛沬」效果。

004:袋裝紙巾都可以做濾芯
K Kwong 表示,他的目的是想人人都可以有得用,不用再搶的口罩。他表示,就算不用 Nanofiber 濾芯,都可以用兩張袋裝紙巾作濾芯,都有 N95 七成的效果。K Kwong 強調,這已夠一般外出時使用。不過,若果用 Nanofiber 濾芯,在防禦能力及透氣程度,都會比袋裝紙好好多。

005:更換及清洗
HK Mask 布口罩部份是用完就要洗,方式可以是手洗、機洗都可以,之後再用熨斗高溫消毒,就可以重用。濾芯部份,K Kwong 建議跟普通外科口罩一樣,每四小時要更換一次,不能重用。

006:幾時有得賣
HK Mask 分為兩部份,布口罩部份,現時跟一間叫「裳樂匯坊」合作製作,暫時只作慈善用途。但其實 HK Mask 布口罩是「Open Source」,樣式會放上網任人下載,基本上,你會用衣車,依照指示製作,人人都可以製作 HK Mask 布口罩。而濾芯部份,暫時會推出 Microfiber 濾芯,K Kwong 預期 3 月中可正式量產 Nanofiber 濾芯,初期期望可每月最少生產 200 萬塊,初期會將一半Nanofiber 濾芯捐給慈善機構。另一半的Nanofiber 濾芯會作零售用途,每張不會超過 HK$2 售價。
   4AA3A0B6-6A89-4BD4-A0F8-397C2549B2FD.jpg
▲ HK Mask 配上 microfiber 或 nanofiber 濾芯可阻 80% 以上 0.3um 的飛沬。就算用兩張袋裝紙巾作濾芯,都可以可阻 70% 以上 0.3um 的飛沬。是怎樣理解。K Kwong 表示,可阻 80% 以上 0.3um 的飛沬,大約等同 N95 口罩嘅效能。

WhatsApp Image 2020-02-21 at 6.21.52 PM.jpeg
▲ K Kwong 表示,HK Mask 希望三月中,可量產 nanofiber 濾芯,目標是每月二百萬片。


使用方法

HK Mask 配戴及使用都有一定方法,簡單來講,睇下圖就得。K Kwong 在記者會,亦有示範,大家可以順手睇埋片。

IMG_6174.jpg
▲ K Kwong 表示需確保濾芯的四隻角要突出布套外。


▲ K Kwong 親身示範如何使用 HK MASK。

按這裡有更多武漢肺炎科技相關資訊

最新新聞