$79 人仔智能手帶現身！小米手環玩平價你衝唔衝？
今日在小米年度發佈會最後的一刻，雷軍宣佈有「 One More Thing」大家應該估到就係傳聞中既小米手環啦。呢隻手環賣幾多錢呢？正如之前既小米產品一樣，都係賣得相當平價，官方定價 $79 人民幣，折合港幣 $98.6 左右，即係 $100 有找！就算唔講開價超過 $2,000 既 Samsung Gear 2 ，Fibit Flex 和 Sony SmartBand 定價都在 $700 以上，咁小米手環會唔會係性價比超高？大家可以睇番官方介紹先。呢隻手環同 Sony SmartBand 一樣是沒有屏幕，單單只是一個感應器。官方指出它的功能可以監測睡眠、運動量，亦可以作為智能鬧鐘喚醒的提示器，如果用在 MIUI 手機上面亦可以作為辨認身份之用，解鎖的時侯不用輸入密碼。手環本身用藍牙連接，亦有 IP6/7 防水功能，最厲害是號稱 30 天待機時間，不用經常充電是一個優點吧！
有用過智能手帶既網友都知道，其實這類手帶需要配合軟件使用，而小米官方沒有提及偵測睡眠、運動量可否支援其他程式，還是需要使用小米自家的程式，能不能像 Sony LifeLog 、 Fibit Apps 一樣有效去整體數據也是相當重要的一點，最要命的是它暫時只支援 Android 4.4 以上的小米手機 4/ 小米手機 3 ！而這隻手環仍然未上市，所以唔知香港幾時會有，假設香港引入水貨既話，你又會唔會考慮衝番隻黎玩呢？留言分享一下意見吧！
▲小米手環賣人民幣 $79 ，比起傳聞中的 $299 便宜很多，在 $100 以下買一樣玩具似乎不算過份？
▲官方號稱的 30 天超長待機時間，這方面需要測試過才知道
▲智能鬧鐘是手環的一個基本功能，最少可以把手機放遠一點也做到震動鬧鐘的功能
▲看官方的圖片是小米自家的運動統計軟件，計步究竟準不準呢？
▲如果需要用到手環的身份辨認功能，解鎖的時侯不想輸入密碼，需要配合 Android 4.4 以上的 MIUI 系統才可以
▲官方亦推出不同材質的手帶，看起來不像 SmartBand 一樣可以換手帶／配戴方式
▲網友們可以放大來看，暫時只支援到小米4／小米 3 ，紅米都冇得用