想免費睇香港電視 HKTV ?官方教你手機、平板、電腦三平台免費睇法!

Eddie 2014-10-22 20:05 | 數碼影音
最近應該多左網友睇電視吧?唔知大家係睇邊個台呢?之前王維基講過話會係網上開台,開台時間將會係下星期先公佈,不過官方今日就公佈左有幾種方式可以免費咁睇香港電視 HKTV ,包括有智能電視、電腦同埋手機平板,總有一個方式可以睇得到!有新台,有得揀,你地又會唔會試下睇?

//timgm.eprice.com.hk/hk/nb/img/2014-10/22/23246/unrealandy_1_1142_b26f1411ade48368c1ccd8aff0cb430e.jpg
▲ 可以用幾種方式免費睇 HKTV ,不過開台時間係打左格仔睇唔到

HKTV 下星期公佈開台時間!五種方式免費睇得到你試唔試?

HKTV 香港電視之前公佈左會係網上開台,將用用網絡電視的形式去播放,其實有點像現在的 mytv 和 NowTV 直播 Apps ,而今日他們公佈將會支援五個平台播放,包括智能電視、電腦、 Android TV Box 、智能手機同埋平板電腦。根據佢地既「教學」,手機和平板都會有獨立的 Apps 去直播,會支援 iOS 與 Android 雙系統;而在 Android TV Box 上面就會有 .apk 安裝檔,在開台前就會正式發佈安裝檔。而他們的官方網頁亦會支援直播收看,可惜最重要的「開台時間」就打晒格仔,真係等到人頸都長埋。

其實之前維基收購中移動 UTV 既時侯版主都分析過,現在他們是用 Video on Demand 的點播方式去發送,好處是不用接收器就可以看,不過在數據加價了之後大家都要小心爆 Data 啊icon。當然,網速、接收都相當影響網上串流的流暢度和畫質,不過有新電視台揀總是好事吧!講到明免費睇啵,有得睇你真係唔試?

//timgm.eprice.com.hk/hk/nb/img/2014-10/22/23246/unrealandy_1_1142_dc1c407ba37334493d23167e3be51e44.png
▲香港電視 HKTV 在官方 Facebook 暗示即將公佈開台的時間

 

最新新聞