記得要登入
首先跟大家說明，今天 19/11 開台，但若果你起身開著智能電視、Android 機頂盒開著「HKTV 直播」發覺還是不停 Loop 廣告，提你今晚八點開台，無錯！像電視台的直播台，要八點先開台，但類似 myTV 的服務已啟動，你用手機、平板 App 就可以揀選節目收看。不過，事前你要登記會員，未登記的話，記得登記左先。用會員登入，好處係當你在 A 手機睇了十五分鐘，再換 B 平板時，系統會自動知道你睇到邊，唔駛由頭再㨂過。廣告超多
版主用了幾部手機去試，包括六吋大芒的 Alcatel OneTouch Hero 2、Sony Xperia Z3 Compact、iPhone 5c 與 HTC One 及更舊 Android 版本的 HTC Desire 700 去測試，在 4G 環境下試睇，在 720p 解像度下，畫質十分好，好清好靚，在個別有前置揚聲器的手機，如 Xperia Z3、HTC 型號，音效亦十分出色。缺點唔係無，首先，廣告好多，劇未播你先要硬食五個廣告，長度每個有十幾秒，基本上，大約十五分鐘就要播一次廣告，你知啦，用手機睇，係咪廣告都要扣 Data，版主 Eddie 都跟大家計過，一套劇要 300MB 數據用量左右，真係幾誇。但又要想想，大家預計 HKTV 的劇集、節目好睇過 CCTVx ，投資大無廣告支持，好難捱，相信大家也會忍讓一下。此外，可能 Android 機種太多，部份冷門型號、Android 版本較舊，播放效果不理想。此外，若果連線不穩定，亦會造成聲晝不同步。以版主幾款機來試，Sony Xperia Z3 Compact 與 HTC One 效果最好，舊版本 Android 手機、冷門型號效果好差，播完廣告唔肯再 Play 又有，嚴重聲畫不同步的，又有！買 Android 機，還是用熱門品牌比冷門好呀。
▲ HKTV app 下，有「電視遙控」icon ，其實就是不同點播節目的目錄。
在此，不如網友 report 一下，你用緊乜型號手機、用緊什麼網絡商，睇 HKTV 效果又如何?