1 金雞(第一集+第二集)
港產賀歲片唔知點解,幾時都係舊嘅比較好睇。最近吳君如的 12 金鴨就上左畫,大家都可以先上 Youtube 重溫返金雞第一集同第二集襯下熱鬧先。金雞第一集 Youtube 連結:請按此
金雞第二集 Youtube 連結:請按此
2 國產凌凌漆
雖然呢套大家應該睇過無數次, TVB 都播過上萬次,但新年唔睇周星馳嘅戲總係好似怪怪地咁,所以都要提一下。國產凌凌漆 Youtube 連結:請按此
3 情意拳拳
提左周星馳都應提下黃子華,雖然比起棟篤笑黃子華係電影方面無咁搶眼,但都可以一提的。(係 Youtube 上就搵唔到黃子華比較近期的棟篤微作品,不過係 bilibili 上就 2012 年的「洗燥」,照樣貼 link 係下方)情意拳拳 Youtube 連結:請按此
洗燥 bilibili 連結:請按此
4 寒戰
新年又唔一定只係睇喜劇嘅,睇猛片都唔錯呀!版主個人其實相當喜歡寒戰呢套戲,係 Youtube 到見到有 720p 高清版當然要 Share 啦!寒戰 Youtube 連結:請按此
5 2013我愛HK恭囍發財
無呀,放埋呢一套係度一來因為以賀歲片來講「 2013 我愛HK恭囍發財」比較新,二來想俾大家體驗下「睇呢套戲每六十秒,人生就浪費左一分鐘」的感覺係點咁。2013我愛HK恭囍發財 Youtube 連結:請按此
6 作死不離 3 兄弟
喜劇又唔一定要係港產片嘅, Bollywood 的電影一樣可以令大家捧腹大笑,作死不離 3 兄弟咁出名應該無乜人唔識啦,版主就唔多介紹了,有興趣的朋友快啲睇啦!作死不離 3 兄弟 Youtube 連結:請按此
7 失戀 33 天
雖然戲名有失戀兩隻字,但呢套係一套愛情戲劇片。來頭都唔細㗎,拎過金馬獎最佳改編劇本, Youtube 上有齊整套,值得一睇!失戀 33 天 Youtube 連結:請按此
8 醜女大翻身
以喜劇來講韓國都有不少值得一看的作品,醜女大翻身就係其中一個例子。呢套由金亞中同朱鎮模主演的電影應該好多朋友都睇過不過重溫一下亦無妨呀!醜女大翻身 Youtube 連結:請按此
9 我的機械人女友
分享過過港產片、內地片、韓國片同埋印度片,日本戲當然都唔少得啦!推介我的機械人女友原因只有一個,有綾瀨遙!正!我的機械人女友 Youtube 連結:請按此
10 交響情人夢 最終樂章 前篇+後篇
以日劇來講交響情人夢無疑係一套大受歡迎佳作,如果係交響情人夢 Fans 的話電影版當然要睇啦!版主今次仲要搵到 1080p 高清版本,唔係唔睇啩?(另外亦找到 1080p 版交響情人夢日劇, Link 照樣貼係下面)交響情人夢 最終樂章 前篇 Youtube 連結:請按此
交響情人夢 最終樂章 後篇 Youtube 連結:請按此
交響情人夢 日劇 Youtube 連結:請按此