小米發佈新一代 40 吋小米電視 2！價錢平一半但不是 4K
今日小米發佈新一代的小米電視 2 ，不過就唔係 49 吋而係「縮水」到 40 吋大小，解像永亦降級到 1920 x 1080 FHD 而不是 4K 電視，亦沒有 3D 功能，不過官方就提到用了 Sharp DSP Panel ，有 5000:1 對比度與 6 毫秒的反應，機身的處理器亦換成了 MStar 6A908 Cortex-A9 四核1.45GHz 配 1.5GB RAM ，內置 8GB 容量，而它是沒有包小米獨立音響組合，更加是省略了 Micro-SD 卡槽，同 49 吋都有一定差別。呢部「縮水」版既小米電視 2 （40 吋）版本大陸定價 $1,999 人民幣，換作港幣的話約 $2,600 左右。之前入手小米電視 2 的網友都反映過不能收香港 TVB 的高清電視服務，要另外買機頂盒，這也是一筆開銷啊！
而香港小米官方從來都未賣過小米電視，現時在店鋪買到都是大陸引進的水貨，而原價 $3,999 人仔（約 $4,990 港幣）的小米電視 2 (49 吋）香港炒價炒到接近 $5,800，就算唔連喇叭都賣到 $5,100 ，估計小米電視 2 (40 吋版）來到香港都會比人炒貴，如果賣價炒到 $3,000 以上仲值唔值得揀佢？真係見仁見智啦。下面有小米電視 2 的 49 吋與 40 吋規格對比，網友們可以參考一下：
