亞視執唔成?新聞報導: ATV 股權將傳讓予王維基! Eddie 2015-03-31 18:39 | 數碼影音 呢幾日不斷傳亞視因為欠債問題,將會 3 月底正式結業,唔少網民都「熱烈地彈琴熱烈地唱」,終於到左 3 月最後一日,成件事又峰迴路轉,因為亞視新聞爆出 ATV 將會轉讓比香港電視主席王維基,換句話說會唔會就係王維基接管收視? 亞視新聞:股權將轉讓予港視主席王維基 入面幾成真? 今日亞視六點鐘新聞,出現左一句:「亞視控股權將轉讓予港視主席王維基」,不過新聞就係得一句,並冇更詳細既消息。版主試過驗證事實係真係假,但係連香港電視既公關都聯絡唔到王維基,亦有傳今晚王征會開記者會公佈更多消息,而網上亦有一段傳聞,講亞視股權會轉讓給香港電視,並免除亞視所欠的債務。 消息來得太快,版主會留意最新消息再同大家報導,網友們又點睇王維基買起亞視既消息呢?版主就好開心啦,希望今次唔會係開心得太快。 網上的傳聞消息全文如下: 「亞視傾接股東黃炳均先生及主要投資者王征先生通知,他們決定接受香港電視主席王維基先生的主要條件,將亞視控股權轉讓予香港電視,並將豁免亞視所欠大部分債務。交易尚需得到法庭同意,並報通訊局批准。」