Q：什麼是 Apple Music
A：Apple Music 是 Apple 旗下的音樂服務，用戶可以自訂 Playlist，亦可以收聽 Beats 1 電台廣播和透過 Connect 追蹤音樂人一舉一動。Apple Music 會基於用戶的喜好、專業音樂人的選擇提供音樂推介。簡單來說，就是網友們熟悉的 KKBox、Moov、Spotify 類似，Apple Music 推出初期就已經有超過 3 千萬首歌可以讓用戶串流收聽，Apple Music 的內容可以暫時儲存在裝置內，方便離線收聽。
Q：iPhone 都冇 FM，點聽 Apple 電台？
A：Apple Music 的 Beats 1 為網絡電台，用戶收聽時需要消耗流動數據（亦可以使用 Wi-Fi），Beats 1 每日 24 小時在紐約、倫敦和洛杉磯的直播室不停廣播，和傳統電台一樣，DJ 會揀歌和跟歌手們進行訪問。Beats 1 現時只以英語廣播，你當它是一條專播流行音樂，有 DJ 打歌兼講野嘅電台就好。此外，版主亦驚見 BBC World Service 並歸類為新聞，用 Apple Music 學習英文 Listening 都得喎。
▲除了 Beats 1，亦有針對各地的本地化的 Playlist。Playlist 只會播歌，無 DJ 插咀。香港用戶會有「粵語流行樂」和「華語流行樂」電台頻道，無間斷播放廣東歌和華語歌曲，唔啱聽還可以跳過。另外亦有 J-Pop、K-Pop。
Q：Connect 又是什麼？
A：Connect 是一個讓音樂人發表更新的平台，有點似 FaceBook、Twitter 甚至微博，內容主要以音樂和他們的動向為主。不過現時似乎未有本地音樂人使用。
Q：Apple Music 月費貴嗎？
A：Apple Music 在香港的收費分為個人版和家庭版，個人版每月收費 HK$48，可供 6 名家庭成員使用的家庭版月費為 HK$78。除了 iOS 8.4，Apple Music 還支援 Apple Watch、Mac 和 Windows 電腦，而 Apple TV 和 Android 則會在稍後推出。現時申請，無論係個人版定家庭版都會送首三個月免費，不過，Apple 都係會事前要你入晒付款信用卡嘅資料。佢亦會提示你，記得係 Desktop 版 iTunes 軟件 (或 APPLE 網站）取消自動訂閱，否則你用用下，想CUT左佢，但又唔記得左，三個月後，APPLE 會自動收費，唔會再問你架。Q：$78 家庭版 6 個人分，同朋友夾份好抵！
A：作呢個決定前要留意的是，這樣會將幾個 iPhone 綑綁起來，所有購買 Apps、音樂、eBook、電影都會由申請的人埋單找數。試想想每次買完 App、為遊戲買了道具都要同朋友收錢或者要向朋友追數。你應該會打退堂鼓。Q：我係容祖兒的粉絲，我想日日夜夜聽住偶像嘅歌！
A：唔好意思！似乎 Apple Music 未有同英皇簽訂合作，容祖兒、Twins、古巨基、林峯、謝霆鋒，甚至張敬軒的新碟都未有得聽。除了香港歌手缺席，陳綺貞亦一樣冇影。幸好 Apple Music 提供 3 個月免費試用，想知道偶像有冇喺 Apple Music 出現，你有 3 個月時間慢慢發掘。
Q：又話免費試聽 3 個月，但 Apple 話之後會收 $48?
A：要試用 Apple Music，用戶必須登記使用服務，並且輸入 iTunes 密碼和確認信用卡等。要避免 3 個月試用期完結後自動過數，點擊左上角的紅色 Icon，進入帳戶頁面後選擇檢視 Apple ID，在訂閱項目一欄點管理，然後關閉 Apple Music 會員資格自動更新即可。