我真係迷你小喇叭!Logitech X50 多色藍牙喇叭開賣 YKer 2015-07-23 10:02 | 數碼影音 喇叭大,屋企無位置放,喇叭細,先細皇道! 所以小弟歷盡艱辛苦楚,只係為求發掘世上更多既小喇叭出黎。今次又比我搵到,係 Logitech 既 X50 藍牙喇叭,唔到一個拳頭咁細咋,除非你個拳頭好似砂煲咁大啦! Logitech X50 雖然迷你,但卻能播放響亮音色。除了支援簡易藍牙連接外,透過 micro-USB 充滿電更可連續播放達 5 小時。而 X50 用家亦可透過標準 3.5mm 插口讓 X50 連接手機,透過藍牙連接範圍更達到 30 呎。 喇叭設有綠、灰、黃、橙及藍五種顏色選擇。Logitech X50 便攜式迷你藍芽喇叭將於 8 月上旬公開發售,定價為港幣 249 元。