HKBN 香港寬頻英超優惠，限量五千
根據今日 HKBN 香港寬頻與 Letv 樂視嘅公佈，由 10 月 9 日起至 11 月 1 日，並在 11 月 20 日或之前成功安裝及 2015 年 12 月 3 日或之前，啟動 Letv 會籍，首 5000 名成功登記客戶，可以平均 $272 月費享受 24 個月寬頻及 Letv Box (4K 平均標準版) 服務，以及 2016 年 8 月起享用 14 個月樂視體育套餐 (包括足球賽事)。即係個 Plan 係點? 我地收到消息係咁:HKBN 香港寬頻 BB100
第一至第十個月 $138 (100MB 寬頻 + 免費 Letv 樂視盒子 + 樂視提供嘅不同節目內容)
第十至第廿四個月 $368 (100MB 寬頻 + 免費 Letv 樂視盒子 + 樂視提供嘅不同節目內容 + 樂視體育頻道內容)
==> 平均月費會係 $272
HKBN 香港寬頻 BB1000
第一至第十個月 $168 (1GB 寬頻 + 免費 Letv 樂視盒子 + 樂視提供嘅不同節目內容)
第十至第廿四個月 $398 (1GB 寬頻 + 免費 Letv 樂視盒子 + 樂視提供嘅不同節目內容 + 樂視體育頻道內容)
==> 平均月費會係 $302
留意，呢個 Offer 只限首 5000 用戶，包括新上台、舊客及快要續約嘅用家 （呢個大家都好想知係點，一陣再講)。5000 名額過後，收費會係點：HKBN 與 Letv 樂視暫時都無詳細講。
官方資料只提及上述優惠包括「樂視體育」，無寫明英超，有無伏?
呢個問題，係記者會內被記者問了好幾次，樂視控股 （北京) 副總裁、亞太區執行總裁莫翠天，最後也講明，呢個套餐，係包括英超的，係包括英超的，係包括英超的。。。大家可以放心，出事嘅話，找莫總。
呢個 Plan 係咪只係給新客
唔係，舊客都得。只要你係今晚凌晨 (10.9) 12:00am 起上網攪續約就得，新上台網友可以 Click 呢到，舊客及想續約嘅網友 Click 呢到。版主幫大家問過，就算你個舊 Plan 有排都未完，只要你搶到呢個優惠，就可以要求取消舊合約，由頭再來過。據知舊合約係會以「和平分手」嘅方式處理，即係唔駛你俾提早解約嘅罰款。不過 HKBN 嘅計劃都好多，有特別 Case 還是到時再問佢地客服比較好。咁我用電腦睇英超定係電視機睇英超
今次呢個 Offer，係包括了一個免費嘅 Le TV Box (4K 標準版)，英超內容亦會透過呢個 Le TV Box 傳送至電視。而不是透過 HKBN 嘅 BBTV 收費電視播放。所以用家要將盒子，駁上電視先 OK。
睇英超要用幾多頻寬?
Letv 樂視暫時未公佈播放英超要使用嘅頻寬，以樂視一直播 4K 內容只需 10Mbps 左右速度便 OK。HKBN 香港寬頻最基本嘅 BB100 嘅計劃應該可以應付到。不過咁， Letv 樂視今亦表示，現時離下季開播也有一段時間，到時 4K 英超使用嘅頻寬，也未確定，唔排除為了增強畫質而增加。我唔睇英超，有無免費樂視盒子
有！其實今次 Letv 與 HKBN 寬頻嘅合作，就是盒子嘅銷售。其中月費 $138 呢個月費，就係包括了免費樂視盒子 Le TV Box (4K 標準版)，12個月樂迷狂睇組合，12個月 4K 高清內容仲有 4 張首輪電影點播劵，你唔一定揀足球 Package，亦唔駛同人搶。以下就係包括嘅內容。