MyTV Super 盒子獨立有價! 挑機樂視盒子 誰抵睇

左定坤 (Cho Ting Kwan) 2016-04-19 16:01 | 數碼影音
版主雖然唔係好睇大台,但家人要睇!的而且確,大台透過自己平台,推銷佢地 OTT 服務:MyTV SUPER 不遺餘力。但除此之外,版主覺得網友反應都係麻麻。不過咁,據知 TVB 對呢個 OTT 服務好睇重,除了跟 3HK 與 HKBN 合作,最近有電腦舖開始賣 MyTV SUPER 盒子! 講起盒子,我又想起樂視盒子!兩大正版盒子,邊個抵?



//timgm.eprice.com.hk/hk/nb/img/2016-04/19/24708/prince1025_1_1142_bcce1947b30f70e8400ec328a3e10984.jpg

$780 買盒子睇大台,送半年外購劇點播?
TVB 推出的 myTV SUPER 機頂盒,日前已經可以在指定零售商或網上買到,售價為 $780,睇到 4K,包 12 個月基本組合。基本組合即係包括左 TVB 製作點播組合 (3000 小時 TVB 自製節目) 以及基本頻道 (包括 5 條 TVB 免費頻道以及 15 條無線電視收費頻道),而如果你在 2016 年 8 月 31 日或之前啟動機頂盒的話,亦將會額外送 6 個月 TVB 外購節目點播組合以及精選基本頻道組合,其中的外購節目點播組合,除左有 8000 金時的綜藝節目、粵語片、卡通等之外,仲包括左部份TVB 買返來嘅日、韓、台劇,而精選基本頻道組合,則包括左 10 條電視頻道,例如 TVBS NEWS、FASHION ONE 等等。 myTV SUPER 盒子,仲有一個賣點,之前版主 Keith 問過 TVB 高層,佢地會係 myTV SUPER 開 N 咁多條頻道,直播今年夏季係巴西舉行嘅奧運會,不過,唔知一對眼,可以睇幾多賽事呢? 

//timgm.eprice.com.hk/hk/nb/img/2016-04/19/24708/prince1025_3_1142_9bbe4d9dbbc022b3874582c59beab37d.png
▲ myTV SUPER 盒子具點播、回看以及 4K 功能。

//timgm.eprice.com.hk/hk/nb/img/2016-04/19/24708/prince1025_3_1142_97f8311de6b5ccbb751671851615a731.png
▲ 想知基本組合、TVB 外購節目點播組合以及精選基本頻道組合包括啲乜? 睇上圖啦!

$594 樂視盒子會抵玩啲嗎?
樂視盒子係佢地 Lemall.com 網站,賣緊 $594,有得睇 6 個月樂視影視內容,包括最強港產舊片、最多 4K 節目 (如李小龍電影復修版) 等,但可惜的是,佢淨係包括一個月的超級體育組合,包括中超、英超、巴西盃、自由盃以及美戰棒,而且英超仲要等到 8 月先開始有得睇。當然,如果你嫌一個月太少,你亦有第二個選擇,可以選用「盒子 $0 機價體育套餐」,價錢貴啲要 $1690,但就包括 12 個月英超狂睇組合,不過就變左唔包括樂視影視內容。要講 myTV SUPER 盒子定樂視盒子邊款抵玩,其實真係好睇你有乜野需要。網友又會點揀呢?

//timgm.eprice.com.hk/hk/nb/img/2016-04/19/24708/prince1025_3_1142_7b8c9963fff47197eb8b69e908faf5cc.png

//timgm.eprice.com.hk/hk/nb/img/2016-04/19/24708/prince1025_3_1142_94dc68b77786cc8aae057641662b0016.png

myTV SUPER、樂視盒子功能比拼,孰強孰弱?
撇除有乜睇唔講,就功能方面,到底 myTV SUPER 盒子同樂視盒子邊款功能強大啲呢? 老實講,雖然話大台跟樂視出盒子,但功能上真係唔夠樂視揮,myTV SUPER 盒子其實除左用黎睇 TVB 的節目,真係無乜功能可言,相比樂視盒子,樂視盒子又支援 APK,又支援 USB 手指,而且仲支持 AirPlay,版主 Keith 試過,係可以將 iPhone、MacBook 上的影片,透過樂視盒子輸出到電視上。但睇番 myTV SUPER 盒子,呢啲功能乜都無,連 Apps 都無得裝,雖然裝唔裝到 Apps 都唔係最重點,重點是呢個價錢,好似除左睇電視乜都做唔到咁,未必會過到自己果關。唔知網友又點睇呢? 仲有一件事,其實樂視盒子到最後你唔 Join 佢地嘅收費服務,不少輪播頻道都係免費,加上可以裝 APK,用完半年你當佢係普通盒子係無問題的,至於 TVB myTV SUPER 盒子呢,你唔續期服務,就變成一個無用的機頂盒了。

來源:科訊電腦 | LeMall

最新新聞