有留意開，自從樂視進軍香港 OTT 平台，用機頂盒提供內容，跟本同收費電視無乜分別。佢地仲大手筆取得英超、英格蘭足總盃賽事嘅播映權。而六月份嘅歐洲國家盃呢？nowTV 今日宣佈，係佢地嘅收費電視頻道，直播全部賽事，仲開出 $700 Pass 先有得睇。咁係咪意味著樂視無得播，大家要捱貴收睇費呢？版主收到風，未必係。
NowTV 公佈
跟據 now TV 自己的公佈 now TV 取得歐洲國家盃 2016 的非獨家播放權，香港觀眾可以高清收看由分組賽到決賽全部 51 場賽事。now TV獲 MP & Silva 授予非獨家收費電視的媒體播放權。MP & Silva 為歐國盃 2016 的香港區獨家代理。now TV 將以標清及高清制式直播全部 51 場賽事。而根據報導，要睇歐洲國家盃，你要付出 $700 買一個叫「歐洲國家盃 2016 ＋美洲國家盃 2016」嘅 Pass 才可以收看 (當然你可以同時睇埋美洲國家盃，呢項賽事，堅係 now TV 獨家嘅) 即係現有 nowTV 客戶，就算睇緊英超、西甲都唔代表可以免費睇到歐國盃。
三點要注意
不過，大家要留意三點：首先 now TV 寫明係非獨家播放權，意味著，唔指一間傳媒機構會播到歐洲國家盃。而歐洲國家盃版權持有者 MP & Silva 早已把播放權賣給落地無線收費電視嘅 BeIN Sports 頻道。而一直有傳 BeIN Sports 跟無線收費電視合作關係亦快完結，到時會投向那一間平台，暫未有人知。第三，now TV 亦寫今次係收費電視播映權，而樂視其實係以互聯網 OTT 方式播放，嚴格來說，唔係收費電視。而版主收到風，樂視會播歐洲國家盃唔係無可能的。
樂視加入好事壞事
到底，樂視會否加入戰團？有留意嘅話，佢地其實要等到八月份英超開鑼，才會正式把現時體育內容，上鎖至購買了「樂視超級體驗組合」嘅用家收睇，好似之前嘅英格蘭足總盃，基本上，你買咗樂視盒子，就有得睇。你會呢下立即「科水」俾 Now TV，或者再等下，有無其他媒體加入播放呢？ 大家點睇？
