當然，最穩妥的方法，梗係連接 Wi-Fi 啦! 但有時出得街，尤其是係搭緊車的時候，未必真係會有 Wi-Fi，呢個時候就需要用到行動數據。而 Netflix 有見及此，日前就發文宣佈，會為大家提供一個新工具，能夠幫助用家在使用行動數據網絡串流睇片時，可以更有效地管理自己的數據用量。方法好簡單，只需以下三步，即可：
001 更新至最新版本：
首先，無論你是 iOS 抑或是 Android 的用家，都必需先把 Netflix App 更新至最新版本。
002 打開 Netflix 選單：
當你更新至最新版本之後，咁你就可以進入 Netfix App，打開選單，並選取「App 設定」。
003 行動數據用量設定：
選取「行動數據用量」，你會見到有自動、關閉 (僅限 Wi-Fi)、低、中、高、無限四種用量選擇，你可以視乎自己所用的行動數據計劃，選取較高或較低的數據用量設定。
如果你選擇「自動設定」的話，預設設定可以讓你每 GB 數據串流睇片 3 個鐘，位元速率約每秒 300kb，這項設定可以用較少數據使用量，維持良好畫質，有助避免爆 data 而要俾超額費用。當然，如果你係每個月有好多 data 可以用，例如係 10GB，咁你可以透過此設定，調整以較高位元速率進行串流。
▲ 更新至最新版本之後，打開 Netflix 選單，選取 App 設定，再選取行動數據用量，你會見到有自動、關閉 (僅限 Wi-Fi)、低、中、高、無限的數據用量設定。如果你選擇「自動設定」，預設約每 GB 可串流睇片 3 小時。而選擇低用量，則每 GB 可串流睇片 4 小時。而影片的畫質，亦會視乎你的選擇而有所調整。