奇妙電視獲發牌! 免費電視台又一間,不過你未必睇得到

Keith Yim 2016-05-31 18:15 | 數碼影音
繼與 PCCW、nowTV 好有關係嘅 Viu TV 啟播後,一年後,我哋又會多一個免費電視台。香港政府今日宣布,有線寬頻 i-Cable 持有的奇妙電視,正式獲行政長官會同行政會議批出本地免費電視節目服務以及免費電視牌照。不過,唔係人人睇得到。

//timgm.eprice.com.hk/hk/nb/img/2016-05/31/24790/keithyim_1_1142_2f8ed0316e9e38fce6a20d5368920ac8.jpg

有線寬頻 i-Cable 旗下的奇妙電視,獲香港政府發了有效期為 12 年的免費電視牌照,由今日開始至 2028 年 5 月 30 日結束,並會約於 2022 年進行中期檢討。奇妙電視將於獲發牌照後十二個月內,開設一條粵語綜合頻道,而英語綜合頻道則會於二十四個月內啟播。兩條頻道均會提供二十四小時服務。以 以前 ViuTV 用了一年時間,一年內最後一刻去預備,相信奇妙電視開台,係一年後嘅事。

不過,就算奇妙電視今日開到台,你都未必睇得到。因為本來牌照,奇妙電視表明只能播過有線寬頻 i-Cable 嘅網絡,再接駁至大廈嘅公共天線系統。如果你住嘅大廈,已可以接收 i-Cable 訊號,未來不一定要解碼器,只要用數碼電視,一樣收睇到節目。但開台數月的 ViuTV,最後用了亞視結朿後,部份數碼地面頻譜,提供由大氣電波傳送節目,最後大家可唔可以好方便咁用電視 Tune 台就睇到奇妙電視,佢會唔會再同 OFCA 申請,而 OFCA 又肯唔肯批亞視餘下嘅頻譜俾奇妙電視。

最後,王維基旗下嘅香港電視 HKTV,還未得到香港政府批出免費電視牌照。

最新新聞