▲ 除了 HKT 主推的 Samasung、Lenovo 外，Acer 都會係香港教育市場推出嘅 Chromebook，分別係 Chromebook 11 同 Chromebook 13 ，價錢估計前者會係 $2500 左右而後者都會接近 $3000 。ePrice 有網友早前係 Amazon 入手 Acer Chromebook 11，他大勝輕同薄，用來上網、聽歌同做文書處理都無問題。 雖然 Chromebook 唔支援 Windows software 只可以用 Chrome Web App ，但如果價錢兩千唔駛，都仍然係有吸引力的。而網友就係用二千蚊樓下價錢買入，下文會教你點樣買。
美國 Amazon 特價勁平
唔少有玩 Google Chromebook 或者一直有留意 Chromebook 的朋友都知道邊部規格最強、表現最好。 但始終牌子偏好人人唔同，而且以最低價錢入手 Chromebook 先係呢篇文係主旨，版主就唔花時間作出比較。 今次版主特別要推介嘅 Chromebook 係 Acer 13 CB5-311-T9B0 Chromebook 同埋 Asus 嘅 asus chromebook 13-inch with gigabit wifi。 推介原因非常簡單，呢兩部機目前 Amazon 上做緊大特價，售價低於 $200 美元（大約 $1550 港幣），其中 Acer Chromebook 仲要係減左 $100 美金。 規格上仲要完全唔失禮， 以 Acer 13 CB5-311-T9B0 Chromebook 為例， 除左有 Full HD 1920 x 1080 屏幕之外，2.1 GHz Tegra 處理器又有 2GB RAM 。更加重要係如果以台灣推出，同牌子嘅 Acer Chromebook 13 黎比較的話， 兩者規格相似但台灣定價係大約 $12000 台幣， 折合做港幣接近 ＄3000。 能夠用 $1500 左右仲要比台灣賣價平一半嘅價錢買到 Chromebook ，話係目前最抵玩之選相信無人有異議吧？
▲ 呢部就係版主係 Amazon 發現只需 $200 美金的 Chromebook ，目前甚至比 11 吋 Acer Chromebook 更平。
▲ 呢部 Asus Chromebook 型號其實係 Asus C300 ，用上 Intel Celeron N2830 2.16 GHz 處理器， 規格一樣唔差。
香港網購站，代買 Chromebook
雖然話係 Amazon 買 Chromebook 最抵玩， 但大家身處香港又可以點樣買到呢？ePrice 網友跟版主分享了以下方法：搵香港代購網站代勞。 該網友透露香港最多人光顧而又有做 Amazon 代購嘅網主要係 He_Shop 、 USA Direct 同埋 Buy American Co. 。呢三個代購網係 Fackbook 上面都有過萬 Like ，安全相對較有保證。 至於做法係點，版主以網友用的 HeShop 作例子，方法可參考下圖：
▲ 以 He_Shop 為例，大家就需要上佢嘅網選擇長期團購再 Click 入 Amazon Prime （紅圈示）
▲ Click 入去會見到有張 Google Sheet ，將 Amazon 貨品資料連同個人聯絡方法填上再遞交，就會收到網主報價（連運費），如果價岩心水就可以買。
最後， 版主想講返今次推介兩款 Chromebook 原因主要係目前大減價緊， Amazon 嘅貨品售價相當波動，今日 Acer Asus Chromebook 平過 $200 美金，可能下月輪到 Samsung ， Toshiba Chromebook 大平賣都唔出奇。 所以價錢岩心水嘅話最好盡快入手了。 另外每間代購網嘅報價都唔同，大家選擇代購網時不妨向多間代購網問價。 各位朋友又有無平買 Chromebook 或者揀代購網心得呢？ 如果有不妨留言分享下。
Amazon 上 Acer 13 CB5-311-T9B0 Chromebook 的連結請按此。
Amazon 上 Asus chromebook 13-inch with gigabit wifi 的連結請按此。