好多朋友話，筆電越來越細既同時，接口都越來越少，USB 接口買少見少。「可以借個窿黎差電嘛？」呢句說話更加時常係大學校園各處都聽到。呵呵，今次介紹既係 Moshi iLynx 3.0 - USB 3.0 高速集線器，其實姐係 一開四既 USB Hub。港幣定價 498 元。唔少朋友聽到呢度真係哇一聲！ 我肯定有網友會問：街邊買幾十蚊都有啦，做咩要買咁貴既 hub，傻的嗎？
呢個 Hub 一開四，全部都係 USB 3.0 高速接口，傳輸速率最高可達 5 Gbps。同時為應付 iPad 等一眾高輸出需求既裝置，iLynx 更配備快充 2.1 A 接口，支援電腦關閉仍然可以使用。到呢度都有人未知到點解唔買街邊貨？ 咁呢度就要注意啦！ 同一般街上買到既 Hub 唔同在於，如果你真係用過 Hubs，你就知道呢類街邊 Hub 好廢，因為一開幾都好都係共享緊一個 USB 既電壓同輸出，變相好多野插落去無反應。例如，平板電腦，移動硬碟，甚至無法同時插曬多部手機係上面充電，因為輸出唔夠。
況且，街邊貨同時插入多個裝置容易導致超出負荷，好容易令到個 Hub 打柴，電子產品更有可能因此而 GG。iLynx 集線器內含線長 1.8 公尺的電源變壓器，保持穩定電力輸出，加上防雷擊 / ESD 的安全設置，減低發生上述災難既機會
。當然，出街要拖住條變壓電源線好煩，iLynx 3.0 外出使用時，可以無需連接電源變壓器，但 iLynx 3.0 總輸出功率會下跌至 4.5 W ( 5V 900 mA ) 。iLynx 3.0 支援 Windows 和 Mac 平台，但需要注意的是，一個大家不常用但又有人用既 Apple SuperDrive 光碟機，只能直接連至 Mac 電腦而不相容 iLynx 3.0。