13.3 吋小米筆記本 Air 挑機 MacBook Air！更輕薄？
▲ 小米筆記本 Air 一共有兩個尺寸版本，版主首先上手的，是 13.3 吋版本，呢個版本的小米筆記本 Air，配備了第六代 Intel Core i5-6200U 處理器，內置 8GB DDR4 以及 256GB SSD。
▲ 小米在發佈會上提及到，小米筆記本 Air 採用了全高清屏幕，屏幕邊框僅為 5.59mm，屏幕佔比更高達 80.1%，相比同尺寸的 MacBook Air 高了 7.9%。另外，小米筆記本 Air 亦採用了全貼合的屏幕保護玻璃，讓邊框不會出現凸出的情況。
▲ 小米筆記本採用了無 Logo 設計，小米將呢樣野當成賣點，表示可以更個性化，根據自己的氣質，選擇不同的貼紙去裝飾筆記本。然而，版主並不覺得這是一個賣點，其實一件產品做到無 Logo，係相當失敗的，俾我感覺上，仲好似成部假機咁。
▲ 小米筆記本 Air 機身採用了鋁合金材質打造的全金屬機身，厚度為 14.8mm，話就話相比 MacBook Air 的最厚處薄 13%。但版主 Keith 覺得，整體感覺小米筆記本 Air 無 MacBook Air 咁薄，因為 MacBook Air 係尖嘅，而小米筆記本 Air 係平的。
▲ 同 MacBook Air 比較，小米筆記本 Air 整體來看十足十 MacBook Air 咁，不過 Touch Pad 位置相比 MacBook Air 更闊，呢點版主個人認為係一件好事。
▲ TouchPad 更大，操作上來更加方便。
▲ 從側面來看，兩部機感覺更加相似。
▲ 鍵盤按鍵同 MacBook Air 一樣，都係會發光的，方便在昏暗的環境下繼續使用。
▲ 機身右側會見到有 HDMI 插槽、USB 3.0 標準插槽以及 3.5mm 耳機孔。
▲ 而左側則會有第二個的標準 USB 3.0 插槽，並會使用 Type-C 充電。
▲ 重量黎講，小米筆記本 Air 重 1.28kg，相比 MacBook Air 的 1.35kg 還要輕。
12.5 吋版本，Port 位原來少左添？
▲ 除了有 13.3 吋版本之外，小米筆記本 Air 仲有個配置低啲，尺寸更少的版本，配備了 Intel Core m3 處理器，內置 4GB RAM 以及 128GB ROM，相比 13.3 吋版本續航能力更長，達 11.5 小時。
▲ 鍵盤同 13.3 吋差不多。
▲ 機的左側同樣具有 Type-C 充電位以及標準 USB 3.0 插槽。
▲ 但要留意的是，右側你淨係會見到有 HDMI 插槽以及耳機孔，相比 13.3 吋版本少了一個 USB 位。得一個 USB 插槽，點會夠用呀！！！
▲ 12.5 吋版本最厚處僅有 12.9mm，相比 11 吋 MacBook Air 的最厚處薄 4.1mm，重量則只有 1.07kg。
紅米 Pro、小米筆記本 Air 相關連結
十核雙鏡頭 紅米 Pro ＋ iCore 7 處理器 小米 Air 筆電發佈
十核心、雙鏡頭挑機魅族、華為？紅米 Pro 震撼價，網友要敗？
最平價十核 4GB 雙鏡頭 拼華為 P9！紅米 Pro 版主初步評測 + 跑分！
小米筆記本 Air 四千有找！挑戰 MacBook Air 你點睇？
全金屬輕薄機身，挑機 MBA！小米筆記本 Air 實機評測，睇真啲！