主題:12小時電 + 360 觸控:兩千蚊 ASUS Flip C213 軍規筆電開箱!

  • 發表時間:2018-07-22 07:59 收錄檢舉
    本 YK 成日都同不少網友講,你如果想買到乜好野、平野,日日留意 ePriceHK 網站係基本步。 事關今次開箱試玩的主角,正正係版主在月中通知過大家的「好康」,詳情可參閱這裡。經歷過幾日等候,一部獲得本 YK 超高評價的軍規認證筆記本電腦 ASUS Chromebook Flip C213 正式登錄香港,係登錄我屋企咋。事不宜遲,立即開箱!

    12小時電 + 360 觸控:兩千蚊 ASUS Flip C213 軍規筆電開箱!

    開箱有野講
    其實呢部 C213 本 YK 睇中左好耐,當時 349 美金嫌太貴,但 Amazon Prime Day 大減價變成 249 美金,我毫不猶豫殺一部,截止前再幫朋友殺多部。ASUS 其實一直都有推出 Chromebook Flip 系列,但經過我分析和對照,C213 裡面的 SA 版才是最值得購入的型號,有能力將入門級筆記本電腦統統 KO ! 

    12小時電 + 360 觸控:兩千蚊 ASUS Flip C213 軍規筆電開箱!
    ▲ 箱來了! Amazon 的 Prime 會員高速送貨確實很高速,17 日購買,20 日早上已經叮噹開門收貨,包裝外觀完美無損。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 呢種嚇人的包裝,唔知道仲以為裡面係爆炸品,S213 的規格看似很入門,但對於 ChromeOS 屬於中高階了。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 開箱! 一部平價 Chromebook 都搞個紙箱設計,ASUS 係包裝外觀方面確實很有心。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 配件一覽:Type C 充電火牛,說明書 + 保養卡,還有一條美規線材,本 YK 後來就更換了適合香港使用的英規線材~

    12小時電 + 360 觸控:兩千蚊 ASUS Flip C213 軍規筆電開箱!
    ▲ 火牛輸出模式有: 20V/2.25A、15V/3A、9V/3A、5V/3A,用 Type C 充電火牛的好處,就係出外公幹旅遊時,帶呢個火牛就手機平板乜都可以充電,上機會輕磅少少,好似係。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 真機登場!外型屬於輕度粗曠,C213 獲得 MIL-STD 810G 認證,機面擁有防刮 + 防指紋物料,而全機皆用上堅固的防撞膠包裹,亦通過 1.2 米 Drop Test 認可,因為開發原意係為小學 / 幼稚園學生而設,肯定係怕佢地亂撞。

     12小時電 + 360 觸控:兩千蚊 ASUS Flip C213 軍規筆電開箱!
    ▲ 老實講,ChromeOS 真係好好用,打從第一代 Chromebook 的開售,本 YK 已經用緊一路到今天。壽命超過 5 年無間斷跟出跟入,只是因為 ChromeOS 在 2GB RAM 的表現開始慢,所以才打算入手 4GB RAM,順便換下新款(呢個先係真正目的~)。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 在平價筆記本電腦身上很難看到的金屬關節, C213 都加給你。不要小看這個鋅合金關節設計,尤其是對於屏幕與鍵盤的承托有極重要的作用。ASUS 聲稱已通過 40000 次的 360 度開合測試,關節依然流暢開合。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 機身有一定厚度,大約 2cm 左右。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 機身底部有兩條又粗又長的防滑條,後蓋係可以打開,只是方便維修人員檢查 / 更換組件,好多硬件是焊死的。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 割價清貨的 S213,自然是在經濟強國生產,而生產日期竟然是將近一年前 2017 年 9 月,應該係之前價錢太貴無人肯埋單,我就希望佢唔好咁快有事。 

    12小時電 + 360 觸控:兩千蚊 ASUS Flip C213 軍規筆電開箱!
    ▲ 底部左右兩邊各有喇叭(甚至係被動散熱口?),聲音非常洪亮清晰。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 機身左方有電源鍵 + 充電指示燈,然後是 Type-C 接口,支持充電和其他數據交互功能;C213 亦保留傳統 USB、micrso-SD 卡槽和 3.5mm 耳機孔。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 另一邊有鎖機孔、同樣是支持充電和數據的 Type-C 接口,還有傳統 USB 和音量鍵; 也就是說 C213 支持左右求其任你充電的功能。

    12小時電 + 360 觸控:兩千蚊 ASUS Flip C213 軍規筆電開箱!
    ▲ C213 機身重量 1.25kg,不算輕也不算重,尤其是考慮到特強加固的物料和設計。

    12小時電 + 360 觸控:兩千蚊 ASUS Flip C213 軍規筆電開箱! 12小時電 + 360 觸控:兩千蚊 ASUS Flip C213 軍規筆電開箱!
    ▲ 最搞笑係有兩個鏡頭,分別是 100 萬像素和 500 萬像素,又要我出動油漆封擋佢地。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 鍵盤手感爽,本 YK 好肯定佢好打過垃圾 Macbook 的鍵盤,2mm 鍵程加上防滑塗料,打字只會係一個樂趣而唔係苦差~

    12小時電 + 360 觸控:兩千蚊 ASUS Flip C213 軍規筆電開箱!
    ▲ 最令我滿意的是,鍵盤竟然有防水濺設計! 天呀,呢個功能印象中只會出現在商務電腦身上。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 11.6 吋 1366 x 768 解析度觸控屏幕,優點是磨砂面,磨砂面,磨砂面!作為商務人,只要是亮面的玻璃統統都有反光 + 指紋收集問題。本 YK 從來只會選擇磨砂面屏幕,見到坊間的觸控筆記本電腦都一一踢走,磨砂 + 觸控簡直係世界上最偉大的發明,

    12小時電 + 360 觸控:兩千蚊 ASUS Flip C213 軍規筆電開箱!
    ▲ 觸控板只是塑膠板,但市面上其他夠膽賣四、五千幾蚊的筆記本電腦,觸控流暢度和按壓穩固程度都輸幾條街,可見 C213 結構設計和造工都非常好。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 鍵盤邊緣都會見到如上圖的小膠條,原來用意是你 360 度反芒後鍵盤會對住檯面,五條小膠條起了穩定和鍵帽防損的作用。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 反芒狀態,屏幕會自動旋轉。呢個模式下雙喇叭向住用家,聲音效果特別正。

    12小時電 + 360 觸控:兩千蚊 ASUS Flip C213 軍規筆電開箱!
    ▲ 反芒最大的好處係可以將屏幕 180 度平放,不論是對客戶做文案展示或自私享受 AVs, 反芒總是人類最好的朋友。


    超長結語
    首先,呢篇開箱文的內容都是用 C213 處理完成,N3350 + 4GB + 32GB 的組合都順滑到癡線。C213 有不少分支型號,本 YK 這款是教育版,也就為小學雞 / 幼稚雞而生,另有 EMR 觸控筆版本,但價錢貴好多又唔實用。 呢部機飽受外國媒體與用家批評,批評 ASUS 癡左線,比小朋友用的機,用料、造工、設計都好過大部分 5000 蚊樓下的筆記本電腦,我體驗左幾日都好認同。

    苦了外國媒體做此機評測,都要費盡心機扭出一、兩個唔係缺點的缺點。例如無背光鍵盤( 5000 蚊都未必有背光啦!)、用入門級處理器( ChromeOS 用 Celeron 都順過 Macbook Air、順過 Windows 用 i3 啊!)、鏡頭差(係咪要交比 DxOMark 做測試?)、價錢貴(咁一分錢一分貨啊~)。

    C213 有個缺點,就係香港無行貨!Amazon 出貨得 30 Days 退貨,ASUS 又講明無國際保養,唯有祈求唔好出現「華碩品質以卵擊石」的情況。但本 YK 認為佢滯銷的原因係之前價錢太貴,學校覺得買比小學雞唔值得,反而變成適合我呢類經常出遊、以上網瀏覽、打字文書商務人士堅固之選。另外,號稱超過 12 小時的續航力真係無點吹水,我用一日 8 小時翻屋企仲有超過 30% 電。

    呢部機亦原生支持 Android Play Store 安裝應用程式,你中意可以安裝憤怒鳥黎玩。經過解鎖(免費 + 容易解到)後的開發者模式更可以安裝 APK,我試過安裝一款 Android APK 封包的 SSR 客戶端,能高度融入 ChromeOS 系統,完美無伏令我驚訝。由於時間所限本文只作簡單開箱,如果對此機有什麼問題想了解更多,可以留言 / 親身找我。
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁