PlayStation 獨家大作 Bloodborne 三月開賣！
Bloodborne 呢隻由 FromSoftware 同 SCE JAPAN Studio 聯手製作的 Game 未正式開賣受注目程度已經爆晒燈。雖然呢隻由 PS4 獨佔的動作扮演遊戲係 2 月頭已經開放預訂，但係大家當然更加想佢快啲正式開賣啦， SCEH 就宣佈 Bloodborne 3 月 20 號就會正式推出啦，定價 $398 。作為自家獨佔大作，呢隻 Bloodborne 對 PS4 玩家來講實在必玩！預訂頁面：Bloodborne
中文版先行！ FINAL FANTASY TYPE-0 HD 中文版＋日文版三月一齊出
對於 FF 迷來講，FINAL FANTASY TYPE-0 HD 呢隻 Game 當然係不容錯過，同 Bloodborne 一樣呢隻 Game 已經開放比等唔切的朋友預訂，但大家其實真係唔洗等好耐。因為 SECH 已經宣佈 3 月 17 號FINAL FANTASY TYPE-0 HD 中文版將會推出，而日文版就會遲兩日， 3 月 19 號推出，光碟版建議零售價係 $468 而下載版售價為 $423 。預訂頁面：FINAL FANTASY TYPE-0 HD
人中之龍 0 誓約的場所 ＋ One Piece 海賊無雙 3 日文版三月率先登場！
3 月對各位 PS4 玩家來講真係「得閒死唔得閒玩」，因為除左 Bloodborne 之外另一隻 PS4 獨家的 One Piece 海賊無雙 3 都會係 3 月 26 號推出。而另外一隻一向有一班 Fans 支持的大作人中之龍都會係 3 月 12 號推出「人中之龍 0 誓約的場所」，不過如果想用中文玩的話最好等一等啦！事關中文版會係 5 月 14 號先推出，而且係 PS4 獨佔㗎。
Project Cars 發售日子將近
對於實車迷來講，以上一眾 Game 可能都未必岩閣下口味，不過不用擔心，事關實車大作 Project Cars 都好快會推出啦！雖然確切發售日期未定，但版主就收到風， PS4 版最遲 4 月就會開賣，雖然比起上面一眾大作遲左少少，但係 3 月仲有其他 Game 好似 「魔界戰記 DISGAEA 5 」 同埋「 resident evil revelations 2 」推出，大家都唔慌 3 月會悶啦。分享完呢批會係 3 月推出的大作唔知有無邊隻岩大家心水呢？最後，提一提想入手 PS4 的朋友，早前同大家分享過的入手 PS4 同埋 PS Vita TV 優惠係 2 月 28 （即係聽日）就會完啦，見完呢批大作想買返部 PS4 就要快手了。