家陣香港開左間賽車模擬及訓練中心,叫 「ProRacing」,裡面有好似機鋪嘅嘅賽車,但其實係用左 3 個 4K 大芒,再配合模擬真實賽車嘅機械,去訓練你成為賽車高手!
▲ 今次 YK 試玩嘅,當然唔係美女啦,我講緊個模擬器! 網友可能會串我:「YK 兄,呢 D 都係新聞?同街機鋪裡面根本無分別!呃我見識少?」小弟當然不敢,我到場視察時候,都有同樣的感覺:模擬,代表麻麻地,代表同真實有好大距離。但原來呢個野大有玄機,個重點要睇下圖。
▲ ProRacing 負責人解釋,後面兩個紅色油壓臂長達 150mm,所以可以最大限度呈現出賽車在路面奔馳時候,遇到剷草呀、沙地之類的左右搖擺和顛簸的感覺。
▲ 賽車座下面另有一個油壓臂,呢個正! 可以模擬出飄移甩尾的失控感!真正做到拓海上身呀!
▲廢話少講,比大家睇下個現場真實效果啦!
▲ 三大個並排 4K 高解析度屏幕,「車外」有咩都睇得清清楚楚;喇叭充滿響亮的引擎聲,提升玩家臨場感。
▲ 我現場「試車」,車內操作跟真車一樣,操控反應也相差無:軚盤扭力好真,會隨著路面情況調整阻力,同真車近乎一樣;入草入沙地時候,座椅顛簸感確實非常像真,軚盤亦會出現亂跳,正!最吸引莫過於入彎飄移,離心力幅度雖然未貼近視覺感受,但反應已經足夠讓我的身體產生自然調節。
總結:
其實,早前香港首位踏入 F1 之路的車手方駿宇也試用過上述模擬器,他表示可以玩到 七、八成感覺。現場負責人也表示,好多車手會「落場試車」,希望熟悉世界各地不同的賽道。我的感覺是:同真車相比,這款模擬器只是缺少加速感和速度感。現場試玩過的網友都同意,呢個係無車牌之人一個「拓海上身」的最佳體驗 (謎之音:有牌你都玩唔到 F1 啦)!
參考資料
收費:賽車收費:$250 / 20mins
學生優惠:$150 / 20mins (星期一至五 3pm 至 7pm)
場地:ProRacing (香港專業賽車模擬及訓練中心)
網址:https://www.facebook.com/proracinghk
唔知有無網友對玩車有興趣呢?歡迎同我分享下「車經」