▲ 都係戴上頭,但用途玩法都好唔同! Samsung Gear VR (左) 和 HTC Vive (右)。
2K 超廣角,Samsung Gear 有得玩
Samsung Gear VR 係呢一刻,其實是一個優化版嘅 HTML5 Browser 網頁瀏覽器。Samsung 與 VR 內容公司 Oculus Store 合作,係手機下載 Ocolus Store,係上面就有超過 150 多款最新虛擬實境遊戲及影片供用家係 Gear VR 上享受及試玩。由於使用了瀏覽器技術,用家一定要把手機連接上網,睇電影,短片,遊戲都係用串流方法進行。150 款內容包括賽車、歷奇、射撃等。新一代 Gear VR,有 2K 解像度、175 度廣角大屏幕,重量 318g,可透過無線方式與 S6、S6 Edge、S6 Edge+、Note 5 共四款手機連結,但手機必須放在 Gear VR 上面。▲ 新款 Gear VR 會鎖定三星旗艦手機,目前線上四款包括 Note 5、S6 Edge+、與 S6,不能獨立使用。未來新上市的旗艦機也都能支援。
▲ Gear VR 必須把手機安放在裡面才能使用。基本上,要利用手機屏幕去播放。
▲ 播放畫面,要再通過呢兩個鏡片。
▲ 有遠、近視調教,玩個陣唔駛戴住眼鏡。
▲ Gear VR 支援多角度觀看,你可以移動你的頭去觀看不同嘅角度。而機身有目錄及 Cursor 鍵方便你揀選不同功能。
▲ 130克,唔算好大份。
▲ VR 係好難用相機拍出來,只能提供潛望鏡式 Screen Shot 睇睇當中嘅效果。
Letv 3D 頭盔 專門睇 3D 電影
Letv 樂視剛剛宣佈香港會發售 Le 3D 頭盔。他跟 Samsung Gear VR 有點似,都要連結自家手機才能使用。Le 3D 頭能夠做到 1000 吋的視覺效果,而且屏幕的解像度達 2560 x 1440 2K 解像度,能夠支持 1080p FHD 的影片。但有留意,呢款唔係叫 VR 頭盔,係叫做 3D 頭盔,因為佢嘅功能好單一:就係俾你睇係 Letv 樂視嘅手機,如快將香港推出嘅 Le max 與 Le 1s,透過頭盔,造到 3D 電影嘅播放。有無 Samsung Gear VR 咁多野睇?無。但相反,Samung Gear VR 睇唔睇到 3D 電影?流行嘅,當然都係無。▲ 樂視頭盔設計跟 Samsung Gear VR 有點似。但功能就好唔同了。
▲ 樂視頭盔雖然用 USB 線接駁 Letv 樂視手機,用串流方式,把樂視頻道嘅 3D 電影傳到樂視頭盔。另外,要用外置充電器提供電量。
▲ 樂視頭盔本身都有焦點調教、音量、光暗等設定。
HTC VIVE 真 VR 體驗
相比 Samsung Gear VR 與樂視頭盔,HTC VIVE 是針對 VR 遊戲而設,與手機可以無關係。HTC VIVE 由 HTC 與 PC 線上遊戲平台 Steam 共同合作開發的 VR 虛擬實境頭戴式顯示器,它主要分為三個部分:頭戴式顯示器、無線控制器以及「燈塔」(Light house)。HTC VIVE 在操控上面,要透過搭配的無線控制器進行,左右手各一個,有點像小型的啞鈴,上面除了有與在頭盔上相同的感應器以外,還有一個食指發射鍵(trigger)以及拇指觸控板。VIVE 的頭盔也會感應到無線控制器的位置,它們在 VR 的世界中就等於你的雙手,你可以用它抓取物品、或是與環境互動。 HTC VIVE 的虛擬實境主打「房間尺度」(room scale),你不只可以左右上下看,而且還可以站起來走動,感覺就真的好像在虛擬實境的環境下到處走動一樣。感覺比起 Samsung Gear VR 更加未來。▲ HTC VIVE 頭盔與控制器。
▲ HTC VIVE 用起來就差不多像這樣,除了頭盔、控制器以外,你還需要一副耳機。
小結:頭戴的幾個玩法
今日版主介紹幾個頭戴裝置遊法,三個都有個共通點:自閉。真係一個人玩嘅遊戲!HTC VIVE 因為係遊戲裝置,未來可能有對打功能,不過都係透過網上進行。眼、耳、手都要打機,毒得很。Letv 頭盔,擺明只能睇 3D 電影。Samsung Gear VR,似示範 Show Off 多一點。下面有幾個頭戴裝置價錢,你又會唔會買來玩?Samsung Gear VR : HK$888 (需配合 Samsung Galaxy S6、S6 Edge、S6 Edge+、Note 5)
Letv 頭盔:HK$2798 (需配合 Letv 樂視超級手機)
HTC VIVE : 未定,預計下年推出,賣價 HK$6000-7000。