在講邊度有得免費體驗之前，首先同大家重溫一下，到底 Xbox One S 賣幾錢。Microsoft 今次推出的 Xbox One S《Battlefield 1》1TB 主機套裝，建議零售價為 $2680; Xbox One S 《Gears of War 4》限量版 2TB 主機套裝，建議零售價 $3480; 而 Xbox One S 《FIFA 17》1TB 主機套裝，亦會在 12 月 17 日推出。$2680 呢個價，講貴又唔算話好貴，網友又點睇呢？
▲ Xbox One S 終於即日開賣喇！
至於剛才提到，話有得免費體驗，到底係幾時，同埋邊度呢？原來，由 12 月 11 日至 21 日期間，將會在沙田新城市廣場一期一樓，舉行聖誕免費電玩體驗區，有得試玩《Gears of War 4》、《NBA 2K 17》、《FIFA 17》等的遊戲。趁住聖誕，大家都可以約埋三五知己一齊去玩下啦！
▲ 而在 12 月 11 日至 12 月 21 日期間，在沙田新城市一樓呢個位置，會舉行 Xbox One S 試玩會，大家可以到場體驗一下，到底遊戲 4K Upscale 之後，體驗係唔係真係會好啲！