Ainol 烈焰八核平過 Nexus 7 !包 3G 雙卡、FHD、八核賣 $850!
邊部平板抵玩?呢個問題唔少網友都問過,當然有好多國牌平板都價錢鬥低,但現時用 $1,000 去買部平板都有人嫌貴,版主都要揀過先介紹比大家。最近就留意到有一部國牌既 Ainol 烈焰八核,價錢減價到 $850 去清貨,而佢係上年既出品,有唔錯既規格同埋 3G 上網。首先同大家介紹下佢規格,它採用 7 吋 1920 x 1080 解像度屏幕、 MTK 6592 1.7GHz 八核心配 1GB RAM ,內置 16GB 容量亦可以外置插卡,採用 500 萬像素主鏡頭與 200 萬像素前鏡頭,雖然它沒有 4G LTE 上網,不過它是支援到 3G 上網,除了可以通話之外亦支援雙卡雙待,呢粒處理器既跑分可以去到接近 30,000 ,與之前的 Nexus 7 (2013) 已經不相伯仲,同埋呢批係香港有代理既行貨,有原生的 Google Play Store 同埋一年保養,差就差在未有得升級做 Android 5.0 ,仲係用緊 Android 4.4.4 。
其實近年 7 吋既國牌 Android 平板都買少見少,因為唔少廠推出 7.9 吋 2048 x 1536 解像度的「 Retina」平板,另一方面大家都在發展「雙系統」平板,所以平價貨真係比較難搵。版主同意留意到一部酷比魔方 U55GT,就採用 7.9 吋屏幕、MTK MT8392 八核心、2GB RAM ,內置 16GB 容量亦可以外置插卡,有 800 萬像素主鏡頭與 200 萬像素前鏡頭,而同樣是 3G 平板,它是支援 WCDMA 與 TD-SCDMA ,但最平都要 $1,300 ,差價 $500 算唔算多就見仁見智啦。
當然,應該唔少網友想搵番 Nexus 7 (2013) 會唔會有「尾水」貨,版主係腦場就搵唔到有鋪賣全新貨,有鋪就講明有「開盒」貨(陳列品就陳列品啦),Wi-Fi 版都要賣到 $1,500 ,而場內二手 Nexus 7 (2013) ,最平都要 $1,100 啊(仲要殘殘地),比我就揀全新機啦,你地呢?
▲版主問過場內有咩 7 吋 FHD 屏幕,店員都話其實現時好少出,大多數都係出 8 吋到 10 吋,而有部採用 2048 x 1536 解像度的酷比魔方 U55GT ,同樣有八核心而且是配 2GB RAM ,不過就賣到 $1,300
▲現時 Nexus 7 (32GB) Wi-Fi 版 都仲要 $1,180 ,仲要唔知有冇保養,當然係買新機抵啦!
在文章發佈的時侯, Nexus 7 (2013) 已經停產,按此看詳細規格與最新賣價。