主題:4GB RAM 平板 + 雙系統! $2500 有找連鍵盤,馳為 Hi12 開箱評測

ePrice HK
  • 發表時間:2016-05-17 17:17 收錄檢舉
    時代變了。以前去買平板電腦,我地一般會相對重視其規格及配置;然而,版主行場時留意到一個現象,而家不少人去買平板,第一件事唔係去問部機用咩 U,有幾多 GB RAM 有幾多 GB ROM,而係問:部機有無跟原廠 keyboard 架? 可以說,keyboard 今時今日對於一部平板,是相當重要的。不過咁,如果又要有 keyboard,又要有大容量,價錢又要唔貴,最好仲要大芒,版主有無介紹呢? 有! 版主早前上手了一部馳為的平板 Hi12,試玩過一段時間,某程度上都幾值得推介,睇下文啦!

    4GB RAM + 雙系統! 二千五有找連鍵盤,馳為 Hi12 評測

    版主認為,如果真係要將一部平板當作筆電用,最基本應該係睇下佢處理文書工作的表現。而要處理文書工作,我覺得點都要有一個 Windows 系統,先至完美。而版主今次上手的馳為 Hi12,版主最滿意的地方是,佢內置 Windows 10 + Android 5.1 雙系統,要知道而家不少大廠 (唔計 Microsoft) 幾乎都唔再出 Windows 平板,更莫說是雙系統,想玩雙系統,的確需要靠陸廠先得。有雙系統有乜野好處呀? Windows 可以作文書用途,Android 可以作娛樂用途,相比普通的單系統,可以做到更加多想做的事。

    馳為 Hi12 開箱! 配 2K 大芒! 缺點是:加埋鍵盤好墜手! 
    馳為 Hi12 的機身尺寸為 296.7 x 202.8 x 8.9mm,淨機身重量約為 852g,實際拎起部機,其實個重量並非不可接受的。然而,當配上專用鍵盤之後,版主同幾位朋友不約而同地說出對呢部機的第一印象:好重好墜手! 無錯,真正重的係佢個 keyboard,如果平日真係要拎出街用的話,揹得耐都會覺得吃力。Hi12 採用了 12 吋的大屏幕,解像度有 2160 x 1440,大屏幕配以 2K 像素,視覺體驗真的相當不錯。另外,Hi12 有兩種顏色選擇,分別為前黑後灰以及前白後金,而專用鍵盤亦有灰色與香檳金兩種選擇。

    4GB RAM + 雙系統! 二千五有找連鍵盤,馳為 Hi12 評測
    ▲ 大果盒係馳為 Hi12,而細果盒則為 Hi12 的原廠 keyboard。

    4GB RAM + 雙系統! 二千五有找連鍵盤,馳為 Hi12 評測
    ▲ 先睇下大果盒先,你會見到在盒的左側上方,會貼左一張貼紙,寫住呢部 Hi12 的基本配置,包括 12 吋 2K IPS 屏幕、1.84GHz 64 bit Intel Z8300 四核心處理器、4GB RAM 以及 64GB eMMC。另外,Hi12 亦內置雙系統。

    4GB RAM + 雙系統! 二千五有找連鍵盤,馳為 Hi12 評測
    ▲ 開箱! 版主今次上手的,是前白後金的馳為 Hi12。

    4GB RAM + 雙系統! 二千五有找連鍵盤,馳為 Hi12 評測
    ▲ 內裡仲配有一條充電線。

    4GB RAM + 雙系統! 二千五有找連鍵盤,馳為 Hi12 評測
    ▲ Hi12 的機身尺寸為 296.7 x 202.8 x 8.9mm,並配有 12 吋 2k 屏幕。而屏幕的上方,則會看見一個 200 萬像素的前置鏡頭。

    4GB RAM + 雙系統! 二千五有找連鍵盤,馳為 Hi12 評測
    ▲ 機背是香檳金色的,上方印有 CHUWI 的字樣,而下方則印有少許這部平板的資料,例如「Made in China」、「Input:5V --- 2.4A~3A」等等。

    4GB RAM + 雙系統! 二千五有找連鍵盤,馳為 Hi12 評測
    ▲ 機背頂部會見到有 500 萬像素的主鏡頭。

    4GB RAM + 雙系統! 二千五有找連鍵盤,馳為 Hi12 評測
    ▲ 機身的左側上方,可以看到有一個 microSD 擴充、2 組 USB 標準插槽 (藍色果個係 USB 3.0)、1 個 microUSB 充電插槽以及 1 個 3.5mm 耳機孔。

    4GB RAM + 雙系統! 二千五有找連鍵盤,馳為 Hi12 評測
    ▲ 而左側下方,則可以見到一個喇叭位置。

    4GB RAM + 雙系統! 二千五有找連鍵盤,馳為 Hi12 評測
    ▲ 至於機的右側,下方同樣配備了一個喇叭,整體來說,Hi12 是配備了雙喇叭的。

    4GB RAM + 雙系統! 二千五有找連鍵盤,馳為 Hi12 評測
    ▲ 機身頂部會見到有金屬質感的實體按鈕,包括開關鍵以及音量鍵。

    4GB RAM + 雙系統! 二千五有找連鍵盤,馳為 Hi12 評測
    ▲ 最後當然不得不提的,是機身的底部,亦是鍵盤的連接位置,採用了磁貼式設計。有代理商同版主講,如果磁鐵位置見到有 10 點,代表可以做到鍵盤幫平板充電,而 Hi12 只有 5 點,所以係唔得嘅。

    4GB RAM + 雙系統! 二千五有找連鍵盤,馳為 Hi12 評測
    ▲ 好! 講左咁耐平板,就等而家即刻講埋個 keyboard。

    4GB RAM + 雙系統! 二千五有找連鍵盤,馳為 Hi12 評測
    ▲ 如果從鍵盤按鍵來說,個人認為按鍵相比 13 吋 MacBook Air 來說 (點解會用 13 吋 MacBook Air 黎比? 因為版主自己係用緊 MacBook Air,所以用黎比較會準確一點),會係實左少少,但無論係鍵盤大小,抑或是打字體驗,都可以話係在合格之上。

    4GB RAM + 雙系統! 二千五有找連鍵盤,馳為 Hi12 評測
    ▲ 但鍵盤的 trackpad 設計真的是令版主無言,因為實在太小了,長度都勉強叫做可以接受,但闊度就真係......連兩個 $5 硬幣都闊過佢,正正係呢個 trackpad,影響了整體的使用感覺。

    4GB RAM + 雙系統! 二千五有找連鍵盤,馳為 Hi12 評測
    ▲ Trackpad 太細,操作的時候相當唔方便,而且細之餘仲有一樣缺點,呢個轉頭再講。

    4GB RAM + 雙系統! 二千五有找連鍵盤,馳為 Hi12 評測
    ▲ 好了! 係時候要連接平板與鍵盤! 對準平板底部插入去,咁就已經連接完成,毋須再連接藍牙。

    4GB RAM + 雙系統! 二千五有找連鍵盤,馳為 Hi12 評測
    ▲ 登登登登! 咁就變身成為左一部「筆電」了!

    測試 001:打字體驗,打字感覺本來不錯,卻因 trackpad 而扣分
    就好似頭先咁講啦! 我覺得呢個鍵盤打字的整體感覺相當唔錯的,雖然無 MacBook Air 咁好,不過已經可以話在合格水平之上。從測試影片中可以見到,版主利用呢部 Hi12 在 WordPad 上打字,不單止可以有「啪啪啪」的感覺,而且打字亦相當順暢。然而,到了 0:28 之後,唔知大家知唔知道我做緊咩呢? 事實上,版主測試的時候先至發現,原來當你在 trackpad 度由上而下咁掃落去,原本處於「放到最大」的視窗會變成了「小視窗」,而原本係「小視窗」會變成「縮到最小」。呢個設計我真係唔係好明白,本身 trackpad 個尺寸已經唔係好大,當你打字的時候好容易會碰到個 trackpad,或者當你在 trackpad 上操控滑鼠時,有時候會不經意「由上而下」,就會變左成日無啦啦將個視窗縮到最小,呢點其實係相當麻煩的。網友點睇呢?


    ▲ 如影片中所示,滑鼠指標明明都是在屏幕中央位置,但當我的手指由上而下掃落去時,就會無啦啦「縮小」或者「縮到最小」。又唔見我調番轉頭由下而上時,會放番大喎! 對於呢點,版主我係有一點兒不滿。icon

    測試 002:雙擊「SwitchNOW」轉換系統,呢點相當方便
    對於一部雙系統電腦來說,最方便的莫過於能夠一鍵切換系統。不同於 MacBook,雖然 MacBook 都能夠利用 Bootcamp 變成雙系統,但問題係,當你每次想切換系統時,都需要先重新開機,然後在開機的一瞬間按下 Option 鍵,再選擇你想登入的系統,然後先叫做正式切換完成。然而,馳為 Hi12 就無呢個麻煩,因為佢在 Windows 的桌面上,可以見到有一個叫「SwitchNOW」的程式,只要雙擊這個程式,系統會問你是否允許應用程式變更您的電腦,按「是」兩次,系統就會自動重新開機,轉為 Android 系統。而 Android 系統如果想轉番去 Windows,只需打開下拉式選單,就能夠見到「切換至 Windows」的選項。

    4GB RAM + 雙系統! 二千五有找連鍵盤,馳為 Hi12 評測
    ▲ Windows 版會見到有個「SwitchNOW」的程式。

    4GB RAM + 雙系統! 二千五有找連鍵盤,馳為 Hi12 評測
    ▲ 而 Android 版則可以在下拉式選單中找到「切換至 Windows」的按鍵。

    測試 003: Hi12 雙喇叭音響效果
    是咁的,因為見到 Hi12 配備了雙喇叭,左側一個,右側一個,按道理音響方面應該唔差嘅。於是乎,版主就試下打開瀏覽器,YouTube 播歌、播片。問題來了,當我播歌、播片的時候,發現即使已經將系統音量調校至 100%,而 YouTube 的音量亦同樣設至最大,然而我發現,Hi12 播放的音量依舊相當小,試過多段視頻都是一樣,再嘗試在手機上播放相同視頻,發現手機播出來的音量相比 Hi12 更為響亮。呢點亦是版主留意到的缺點之一。

    測試 004:  Hi12 跑分測試表現一般
    版主會利用大家比較熟悉的 Android 跑分軟件為呢部平板電腦進行跑分測試,包括安兔兔、Basemark ES 2.0 以及 Vellamo。馳為 Hi12 配備了 Intel Atom X5 Z8300 四核心處理器,內置 4GB RAM 以及 64GB ROM,並內置 Windows 10 + Android 5.1 作業系統。結果顯示,Hi12 得出的安兔兔跑分為 57740 分,略勝於 Le 1s 的 CPU 效能,但跟 LG G4 仍有一段距離,相差近八千分。不過始終係 Intel 的 Atom U,仲要加埋 2K 芒,所以得出呢個成績,應該大家都並不會覺得意外吧?

    4GB RAM + 雙系統! 二千五有找連鍵盤,馳為 Hi12 評測
    ▲ 馳為 Hi12 配備了 Intel Atom X5 Z8300 四核心處理器,內置 4GB RAM 以及 64GB ROM。安兔兔跑分結果為 57740 分,當中的 UX 性能以及 CPU 性能分數表現不錯。

    4GB RAM + 雙系統! 二千五有找連鍵盤,馳為 Hi12 評測
    ▲ 就跑分而言,Hi12 僅比 Le 1s 高分二千多分,但落後 LG G4 近八千分。不過以 Intel Atom U 配 2K 芒來說,呢個分數又不算特別意外。

    4GB RAM + 雙系統! 二千五有找連鍵盤,馳為 Hi12 評測
    ▲ Basemark ES 2.0 用來測試運作 3D 遊戲的效能,有 30fps 叫做不錯,運行 3D 遊戲偶然會有一點兒窒。

    4GB RAM + 雙系統! 二千五有找連鍵盤,馳為 Hi12 評測

    4GB RAM + 雙系統! 二千五有找連鍵盤,馳為 Hi12 評測

    4GB RAM + 雙系統! 二千五有找連鍵盤,馳為 Hi12 評測
    ▲ Vellamo 跑分分為 Chrome 瀏覽器、多核與金屬。Chrome 瀏覽器代表用 Chrome 上網的流暢度,而多核、金屬則用來測試裝置的整體效能。而 Hi12 在這三方面,都表現一般。

    小結
    無錯,呢部馳為 Hi12 睇落好似係有不少缺點,睇跑分,唔算吸引;講外型,係幾靚靚仔仔嘅,但連埋 Keyboard 就好重好墜手,要拎出街的話唔係咁方便;而 Keyboard 的 Trackpad 亦實在太細,加上一唔覺意由上而下碰到 trackpad,就好容易會將視窗「縮小」或者「縮到最小」,呢點係非常麻煩的。然而,版主成日都覺得,夠用就可以,俾到你上下網、做下文書野,唔會 Lag,就已經好足夠。呢部 Hi12 售 $2499 仲要連埋 Keyboard,仲想可以打機又幾順,GPU 又幾勁,根本係無咩可能的事,除非小米都玩埋變型筆電的市場啦! 如果唔係,Hi12 之所以可以賣到呢個價錢,講到尾都係因為用上左 Intel Atom 的處理器,從而減低成本,仲要俾埋你有 2K 芒有雙系統,其實呢個價真係算值。如果真係想搵部十分 perfect 十分順的平板電腦,版主會建議你搵 Intel i 系的處理器,但價錢方面,就一定會貴好多。唔知網友對於呢部 Hi12 有啲乜野睇法呢?

    嗚謝:鵬勃電子科技提供馳為 Hi12 實機

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2016-05-24 13:45 檢舉
    用過一部 8 "雙系統........慘痛經驗,半年整左超過 5 次,最耐一次整左成個月,每日經常出現的毛病和問題,開唔到機,過熱 Hang 機,用用o下突然熄機,叉唔到電........DKLM
    02樓 ▲TOP 回列表頁
  • 發表時間:2016-05-24 14:10 檢舉
    嫌錢多又想自尋煩惱最佳選擇就係........馳為
    03樓 ▲TOP 回列表頁