【網絡騙案】版主親身試伏記!$518 「S820 平板」開箱!

左定坤 (Cho Ting Kwan) 2017-08-02 13:51 | 網絡消息
網絡陷阱何其多,相信不少網友都明白。很多時候騙徒會捕捉人們貪小便宜的心理,吸引他們自動上釣,就好像早前 Facebook 上很常見的廣告: $749 Sony RX100、$488 S820 9.6 吋平板等等、XX 折買 S7 / iPhone 7 Plus 等等,應有盡有。這裡我要質疑 Facebook,為何這些騙人的廣告都能夠批準?莫非真的只要有錢收,就甚麼都能作?哦,原來 Double May 無課金,所以就被封鎖得那麼快?不過,為了讓大家不再中伏,亦為解答網友心中疑惑,到底幾百蚊買回來的貨,是甚麼的一回事,版主就決定親身試伏,同大家分享一下個人經歷!Let's go!

騙案(Facebook).jpg

早前經常碌 Facebook,不時都會看到這類的廣告,類似 $518 買 Discovery 八核 9.6 吋暢爽平板電腦。當你按進去,會到達一個購買的頁面,裡面以多圖的形式,告訴大家這款產品的規格資料,就好像這部 Discovery 八核 9.6 吋平板,仔細看資料理應是有 9.6 吋 FHD 顯示屏,採用一體化設計外觀 + 金屬 CNC 光邊機身,配備 Qualcomm MSM8996 「八核」處理器 (MSM8996 查過是 S820 處理器,應該是四核心,但去到這裡你還是不能想像到實物會是怎樣,最多以為個網打錯而已),內置 4GB RAM 以及 32GB ROM,具有立體聲揚聲器以及支持 G-Sensor 重力感應器,並運行 Android 6.0。就這樣看,配置看上去都挺令人滿意,而且看到價錢,$518 如果真的有這樣的配置,絕對是抵到爛...... 好了,當你出現這樣的瑕想,你已經進入了騙徒的圈套!

Screen Shot 2017-06-08 at 1.34.23 PM.png
▲ 超薄輕盈???

Screen Shot 2017-06-08 at 1.36.32 PM.png
▲ 立體聲揚聲器???
Screen Shot 2017-08-02 at 1.47.29 PM.png
▲ 整體配置是這樣的???

到底假如你真的付了 $518,你可以收到一件甚麼樣的貨品呢?在好奇心的驅使下,版主就下單買了這部平板。要留意的是,當你下了單後,並沒有要求你立即就要付款,而是貨到才會收錢。貨到付款的話,性質就變得有一點點的不一樣了,感覺上是你情我願般,雖然到貨後你還是需要付款才能拆開包裝,但在那一刻開始,已經代表你完成了這項交易。(Errrr...... 其實還是一樣吧~只是我自己強逼症發作,硬是覺得有點不一樣而已 無奈)

一般到貨時間理論上約 7 日左右,但版主等了差不多 2 星期,都還未收到貨件,經過我三番四次查問之後,而客服亦「樂意」幫你檢查出貨進度,再過多幾天貨件終於到達 Office 了。拿到貨後,我真的既好奇,但又驚慌到底裡面是甚麼樣的炸彈,而從 Office 帶到 Starbucks 的途中,版主不斷地聽到盒中的東西正發出古怪的聲音,實在是而家想起,都覺得毛骨悚然。

到底開箱後是怎樣的一回事?即刻睇下啦!

IMG_4472.JPG
▲ 呢個係送到黎的樣貌,就好普通一個好似淘寶買返黎嘅貨一樣。

IMG_4473.JPG
▲ 咁凡事唔可以以貌取物嘅,外表唔可以盡信,打開啡色紙皮箱,入面又會見到又有另一個盒,不過今次呢個係白色的,表面看上去都有幾分像 iPad 的包裝盒。

IMG_4474.JPG
▲ 事實上,看完實物之後,的確令我無法作出任何反應,完完全全是在我意料之外!版主原本猜測,就算沒有 S820 的性能,就算明知佢係搵笨,但外型上應該不會跟圖中的相差太遠,結果實在是令人 O 哂嘴......不過講部機之前,首先撲面而來的,就是一拆開個盒的惡臭味......

IMG_4480.JPG
▲ 度一度,哪有 9.6 吋?不過勉強都叫有 8.9 吋嘅。

IMG_4475.JPG
▲ 個機背?真係堅有份量,好似牛皮咁。

IMG_4479.JPG
▲ 咪講笑,睇佢機身嘅厚度,都睇得出佢嘅份量,真係三個 5 蚊再加一個 1 蚊硬幣嘅厚度。

IMG_4476.JPG
▲ 機背右上角都有個鏡頭嘅,不過鏡頭嚇死人,陣間再講......

IMG_4478.JPG
▲ 機身左側有音量鍵,仲有好奇怪地會有實體返回鍵。

IMG_4477.JPG
▲ 而其他可以插得嘅洞,基本上都係放哂落機身頂部,例如 microUSB 插槽、3.5mm 耳機孔、microSD 咭槽等等,另外開關鍵都係在機頂位置。

FullSizeRender 3.jpg
▲ 睇埋呢個先誇張!裝左安兔兔落黎,睇下佢個配置係乜料子啦!品牌: Astar,有無聽過?Model: F900,都係叫版主 R 哂頭。處理器: 四核心 ARMv7,真係唔知幾多世紀前的 CPU......睇埋落去,說好的 Android 6.0 呢?根本就只有 Android 4.4.2 (32-bit),屏幕像素.......800 x 480 pixel...... 天呀!仲有仲有...... 主鏡頭,30 萬像素,我記得我小學定中學果陣用的手機,正正就是 30 萬像素......RAM 部份,512MB RAM......睇到呢度我忍唔住,將呢部機收落床下底算!

總括而言,收到的貨品跟網站上所寫的,有以下 4 個明顯的分別:

網站上的資料 收到的實物
Qualcomm MSM8996 處理器 不知名四核心處理器
解像度 1920 x 1080 解像度 800 x 480
4GB RAM 只有 512MB RAM
Android 6.0 Android 4.4.2
▲ 當然,除左以上四個明顯不同之外,成部機基本上可以用一個字來形容: 伏!回想起當日收到貨後那陣臭味,版主現在已失去了食慾......

售後服務又如何呢?版主要求退貨,看看結果如何!

喂大佬,收到這樣的平板電腦,你接不接受?相信俾你都唔會接受。唔接受咁點呀?當然要要求退貨啦!於是乎版主就試下,再次在 Facebook 上 Inbox 其專頁,看看到底結果又如何。版主好清楚的列明,到底在哪一方面跟描述有差別,並強烈要求退貨。結果是......

Screen Shot 2017-08-02 at 1.40.20 PM.png
▲ 就這樣,版主就被這個專頁直接封鎖掉了...... 所以說,版主嘔心瀝血為大家親身試伏,就是希望提醒各位網友,網絡陷阱何其多,特別是在 Facebook 上這類可疑的廣告,千萬不要貪小便宜,否則的話就會好像版主般,想追究也無辦法追究了。

19622433_459461181079360_570015198_n.png
▲ 不單止是 Discovery 平板,就算是 iPhone 7 Plus、三星 S7,甚至相機等等,都有出現過這類的騙案。大家記得要小心,提防中伏。
 

最新新聞