主題:十吋 4G 平板平價鬥!千元價位,Alcatel 新機真係無對手?

ePrice HK
  • 發表時間:2017-09-26 20:39 收錄檢舉
    唔知網友們仲有無印象,版主曾經提過自己 2 年前初加入 ePrice 時,用嘅係華為 Mate 7。六吋芒,果陣嚟講已經叫做巨芒,但如果睇返 2 年後的今日,卻變成了標準:三星 Galaxy Note8 用 6.3 吋芒,小米 Max 2 / MIX 2 用 6.44 吋芒,屏幕愈出愈大,可以預視到 7 吋平板被淘汰的日子將近,逐漸會被手機淘汰。不過,如果去到 9.7 吋或者 10 吋的平板,目前仍有佢哋存在的價值,而且入手門檻愈來愈低,千幾蚊已經可以搵到一部 10 吋 4G 平板,你又會唔會考慮呢?呢幾部平價 4G 平板,你又覺得邊部值得考慮呢?

    十吋 4G 平板平價鬥!千元價位,Alcatel 新機真係無對手?
     

    千六有找入手 10.1 吋 4G 平板!

    呢期比較抵玩嘅,應該係 Alcatel 推出的平板 A3,建議零售價為 $1599,顏色上有黑、白兩種選擇,採用了 10.1 吋 IPS 屏幕,解像度為 1280 x 800,配備了 MTK MT8735B 1.1GHz 四核心處理器,內置 2GB RAM 以及 16GB ROM,並支持最高 128GB microSD 擴充。至於相機部份,A3 用上了 500 萬像素主鏡頭以及 200 萬像素前置鏡頭,並內置自動對焦功能。而電量有 4600mAh,一日使用相信問題不會太大。A3 會運行 Android 7.0 作業系統。

    另外,Alcatel A3 同時亦有較平價的 Wi-Fi 版,建議零售價為 $1199,主要不同之處是只有 1GB RAM,支持最大 64GB microSD 卡,並且運行 Android 5.0 作業系統。

    十吋 4G 平板平價鬥!千元價位,Alcatel 新機真係無對手?
    ▲ Alcatel A3 個外型都唔算差嘅,但只係得 720p 芒,有網友可能會有怨言。不過,Alcatel 無論是手機抑或平板,在屏幕顯示部分表現都有一定的質素的,所以用來睇片,相信問題應該不會很大。
     

    真係無對手?平價十吋 4G 平板仲有乜選擇?

    千元價位,又要 10 吋又要支持 4G LTE,除左 Alcatel A3,Lenovo Tab 4 10 吋又是否另一個可考慮的平價之選呢?呢部 Lenovo Tab 4 10 吋 LTE 版本,出面細舖賣價大約為 $1899 左右,無錯係比 Alcatel A3 略貴$300 左右,但比較大的優勢是用上 Qualcomm 處理器,對於網友來說,接受程度應該比起 MTK 大得多,但就唔好祈求呢個價位可以用到高階 U,只是 S425 四核心處理器,內置 2GB RAM 以及 16GB ROM,最高支持 128GB microSD 擴充。

    不過,如果俾得起 $1899 買 Lenovo Tab 4 10 吋的話,其實亦都可以考慮一下加多 $300,入手華為 MediaPad M3 Lite 10.1 LTE,解像度為 1920 x 1200,配備 S435 處理器,內置 3GB RAM 以及 32GB ROM,運行 Android 7.0 作業系統,整體規格都算是不錯,出面賣價大約為 $2199 左右。Alcatel、Lenovo、華為,你又會點抉擇呢?

    十吋 4G 平板平價鬥!千元價位,Alcatel 新機真係無對手?
    ▲ Lenovo Tab 4 10 吋平板,用上 Qualcomm S425 處理器,在千元價位來說,應該都是一個可考慮的選擇。

    十吋 4G 平板平價鬥!千元價位,Alcatel 新機真係無對手?
    ▲ 俾多三百入手華為 MediaPad M3 Lite 10.1,你又願唔願意呢?

     

    立即加入Facebook 專頁,新聞/消息/優惠,最快知。

    01樓 ▲TOP 回列表頁