主題:版主教你揀!三星/SONY/華為 邊款平板最抵玩?

ePrice HK
  • 發表時間:2016-08-01 18:20 收錄檢舉
    曾經版主身邊有朋友問,近排有無乜野平板抵玩,好介紹?呢個問題,一點也不簡單,如果係問手機的話,我可以好容易地答你,但平板,一年都無乜幾多款平板,可以介紹到啲乜呢?大陸平板,一般我又不會推介,因為版主試過幾部,都成日覺得好 Lag,除非試過真係好好用。咁今時今日,仲有乜野平板抵玩呢?而且又賣幾錢呢?版主立即話你知,到底而家有邊款平板抵玩!

    版主教你揀!三星/SONY/華為 邊款平板最抵玩?

    Samsung Tab S2 配 2K 芒 + 自家八核心!
    最多網友會選擇的平板,應該會是 Samsung。雖然未必話最平,但始終 Samsung 有個魔力係,就算部機係好低階,都會有不少人願意相信,願意買的。而目前大舖有賣的 Samsung 平板,個人認為 Tab S2 系列是挺值得入手的,有兩個屏幕尺寸可以選擇,分別為 8 吋以及 9.7 吋,採用了 2K 4:3 屏幕,並配備了自家八核心處理器,內置 3GB RAM 以及 32GB ROM,最多支持 128GB microSD 卡擴充,並運行 Android 5.0 作業系統。另外,Samsung Galaxy Tab S2 亦有 Wi-Fi 版以及 LTE 版可以讓大家選擇,剛推出的時候開價並不便宜,不過大舖一直有即減優惠,8 吋 Wi-Fi 版本最新賣價為 $2688,而 LTE 版則賣 $3588;至於 9.7 吋 Wi-Fi 版的最新賣價為 $3888,而 LTE 版則賣 $4188。

    版主教你揀!三星/SONY/華為 邊款平板最抵玩?
    ▲ 話說,Samsung Tab S2 個價在大舖都企硬左好耐,不過 Tab S3 似乎快將現身,到時相信舊代會再有減價。目前來看,Tab S2 在大舖最多即減 $500。

    二千蚊入門級平板!文書、上網夠用吧?
    如果中意 Samsung 的平板,但又唔想咁貴,呢個系列的平板又會唔會適合你呢?佢係 Samsung Galaxy Tab A 系列,同 Tab S2 一樣,都係有 8 吋以及 9.7 吋兩個屏幕大小,而且同樣有 Wi-Fi 以及 LTE 版本。不同的是,Tab A 系列相對 Tab S2 系列來說,規置比較入門級,配備了 Qualcomm APQ8016 四核心處理器,內置 2GB RAM 以及 16GB ROM,對於喜歡下載影片落黎睇的網友,也許並不足夠,但對於主要用黎做文書工作、上下網的話,呢部 Tab A 叫做夠用有餘。最重要係,價並不貴,最平版本大舖賣緊 $2098,網友又點睇呢?

    版主教你揀!三星/SONY/華為 邊款平板最抵玩?
    ▲ 大舖「即減 $200/$300」,最平 $2098 起。

    Samsung 以外還有其他選擇?
    老實講,可以選擇的平板並不多,Samsung 以外還有甚麼平板相對地好用同抵玩呢?Sony 舊代平板 Xperia Z3 Tablet Compact LTE 版大舖減價 $1000,賣 $2998 又抵唔抵玩呢?三千有找,又有防水功能,配 8 吋 FHD 芒之餘,又用 Qualcomm 八核心處理器,而且都係有 3GB RAM,相比 Z4 Tablet 平千幾蚊,會是網友的考慮之一嗎?

    雖然版主話好少會推介大陸機,不過唯獨是 Huawei,個人覺得還是值得相信的。今年最新推出的 7 吋平板-Huawei MediaPad T2 7.0 Pro,既是一部平板,同時你亦可以當佢係手機用,因為佢具備了通話功能,配備 FHD 芒、指紋辨識、Qualcomm S616 八核心處理器、3GB RAM 以及 4360mAh 大電池,以入門級平板來說,規格相當不錯。但缺點是,得 16GB ROM,同埋最重要的是,大舖企硬唔減!由開賣至今已經有大半個月了,都沒有這部平板半點的減價消息,依然企硬 $1980,雖然價係唔貴嘅,不過香港人心態始終是,有得減感覺上好似好啲咁,無得減就是罪過,但網友又有無興趣呢?

    版主教你揀!三星/SONY/華為 邊款平板最抵玩?

    文章發佈時候,三星 Galaxy Tab S2 9.7 LTE 賣價為 $4188,詳細規格和最新賣價請參考這裡
    文章發佈時候,三星 Galaxy Tab S2 9.7 WiFi 賣價為 $3888,詳細規格和最新賣價請參考這裡
    文章發佈時候,三星 Galaxy Tab S2 8.0 LTE 賣價為 $3588,詳細規格和最新賣價請參考這裡
    文章發佈時候,三星 Galaxy Tab S2 8.0 WiFi 賣價為 $2688,詳細規格和最新賣價請參考這裡
    文章發佈時候,三星 Galaxy Tab A 8.0 LTE 賣價為 $2598,詳細規格和最新賣價請參考這裡
    文章發佈時候,三星 Galaxy Tab A 8.0 Wi-Fi 賣價為 $2098,詳細規格和最新賣價請參考這裡
    文章發佈時候,三星 Galaxy Tab A 9.7 LTE 賣價為 $2998,詳細規格和最新賣價請參考這裡
    文章發佈時候,三星 Galaxy Tab A 9.7 Wi-Fi 賣價為 $2398,詳細規格和最新賣價請參考這裡
    文章發佈時候,Sony Xperia Z3 Tablet Compact LTE 賣價為 $2998,詳細規格和最新賣價請參考這裡
    文章發佈時候,Huawei MediaPad T2 7.0 Pro 賣價為 $1980,詳細規格和最新賣價詳參考這裡
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁